عذب القصيد 2

قصيدة اخرى للشاعر اضعها هنا للشاعر محمد صفوق السلطاني
وش فيه قلبك علي مليان غيض وزعل?==وأنا أكثر اللي تجاهل رغبته وافتداك
ترى قرار ابتعادي عنك ماهو سهل==لكن رحمتك ولا حبيت أجازف معاك
كنت أدري إنك تبي تجمع معاي الشمل== ماني غبي يوم ماافهم _وقتها_مبتغاك
كانت ظروفي _على وقتك_ تفتت جبل == ولابيك تحمل معاي اللي يسبب شقاك
كنت ببداية حياتي والمصاعب زمل== مالي جدى يوم أزاحمها وألبي نداك!
وأخاف أضيع سنينك لين أعود جمل== وادحم بزوري جمال ن ضارية للعراك
قلت أتركك بالمكان اللي عرفتك طفل== به,واندمجت بتضاريسه وفوقي سماك
كان المصاب بغيابي وابتعادي جلل == لكنه أهون من إحساسي بخيبة رجاك
شف كيف صار القرار المر مثل العسل== من قالوا إنك لقيت اللي يقدر (حلاك)
مرت بي سنين والصورة بعيني طلل==آخذ علومك _ بخفيه _من حديث اقرباك
واليوم جتني سوالف ,لكن المحتمل== تكون فاهم غلط أو فيه شي ايخفاك
سمعت ناس ن تقول :إنك تحس بملل ==لامرك اسمي,وتبدي مايخالف رضاك
معقول شايل على قلبي بليا علل!!==لله بالله ,يعني من خلاك بخلاك!
أو صرت ماتعرف للفت انتباهي سبل== إلا إنك اتحط قلبي تحت رحمة رحاك
يازارع الورد وردك بالحشا ماذبل== كانك سقيته عتب,من تضحياته سقاك
هذا جزا موقفي واللي لقلبي حصل!! == إني أدور دواك وتتهمني بداك!!
ياصاحبي نظرتك للوضع فيها خلل==فكر بها زين ,تلقاني هناك وهناك
أحاصرك بالعطا من غير ما اشكي كلل== وأنت تحسبني قلييل خاتمة مع هواك!
أنا هنا يااول عيونن عطتني أمل==أراقبك _وانت ماتدري_ وأحن لدفاك
لذلك أرجوك لاتحمل بقلبك زعل==تجاه من باع نفسه للظما وافتداك

يازارع الورد وردك بالحشا ماذبل== كانك سقيته عتب,من تضحياته سقاك

رائعة، زدنا ابوريان ، كل الشكر لشاعرنا ابو ناصر ،وللناقل ابوريان.

شكرا لكــ أخي

شكرا ابوريان على نقل هالقصيدة الرائعه والجميلة بكل معانيها

وصح لسان كاتبها الاخ العزيز ابوناصر الله يطول بعمره ويعطيه العافية

وياليته كان معانا بالمنتدى

كل الود والتقدير والاحترام للجميع

أنا هنا يااول عيونن عطتني أمل==أراقبك _وانت ماتدري_ وأحن لدفاك
لذلك أرجوك لاتحمل بقلبك زعل==تجاه من باع نفسه للظما وافتداك

صح لسانك ياشاعر السلاطين
ومشكور أخوي ابو ريان
والله يعطيك العافيه ماقصرت

ابو ناصر رجل خلوق وفارس حرفٍ متمكن صح لسانه


الى آنية الجفاف

الله الله قصيدة راائعة ....
صح لساان الشااعر وعلا شان الناقل

كل الشكـر وأكثر على رووعة النقل
ونترقب الجديد
تحياتي