{{{يابـــــــــــدر}}} ماني عال لو صحتي ((عال ))...

ان كنت تنشد يا رفيقي عن الحال....
مالي على كتمانها عنك حيلة.........


الصبر عن بوح الاحاسيس قتال....
والبوح في بعض المواقف فشيلة...


لو كل ما يطري على البال ينقال.....
ما كان شفت ان الثقيلة ثقيلة....


أبطيت اكافح ضيقة البال بالبال...
وادفع بلى هاجوسها كل ليلة....


لين اقبلت مثل السحابة بهمال...
تشفي غليل اللي تزايد غليله....


طاحت ولو أفقمن حناياك منزال...
وبطلبك يا بدر تكمي المخيلة......


ان قيل ترعد .. قلهم صوت زلزال..
وان قيل تبرق .. شفلها ادنات حيلة..


مابي تناقلها هل القيل والقال.....
وتصير من بعد القصيرة طويلة..


يا بدرماني عال لو صحتي عال...
شفني من الصدمات نفسي عليلة...


اشيل حمل لو يشيلنه جبال....
الله وامانه غير تصبح نثيلة..!


ارمي من هموم الزمن واسحب ادبال..
وانزل على الجوكر وغيري يشيله...


من كثر ما شفت بحياتي من انذال...
بديت اشك ان النذالة فضيله..


ما طاح من عيني رجل طاحوا رجال..
ورجال يابن حنيف ماهي قليله...


أقرب من اللي قالهم ضمن ما قال...
راكان بن حثلين راعي الجزيلة...


هذا ولد عم .. وهذا ولد خال..
وهذا رفيق ما لقينا بديله...


سبحان منهو يا بدر غير الحال..
وحط الجفا بين الخليل.. وخليله..


هذا الزمن يبغاله لسان دلال..
من يستحي هالوقت وااااااعزتي له..


وقت به الراعي غدى راعي دلال..
كل على طاريه ينفض شليله..


ومن كان ساسه للردى مضرب امثال..
اليوم ..يحسب من كبار القبيلة..!!


المال يابن حنيف ملعون ابو المال..
ذل العزيز وعز ناس ذليله....

---للشاعر \\ خلف المشعان العنزي ......

بوركت اخي

مامع العوزمرجله

وقت يدور به الحصني فراسه
كفانا الله منشر الليالي

كل التقدير اخي

سبحان منهو يا بدر غير الحال..
وحط الجفا بين الخليل.. وخليله..
ابيات في قمه الألم لاهنت وصح لسان الشاعر

،
،
اختيار اكثر من رائع


سًلًطًاًنً اًلًزًيًنً ..}
صح لسانك ولسان الشاعر
لسموك الاحترام

صح لسان الشاعر
ويعطيك على العافيه على النقل الرائع

شكرا لكم على تواجدكم العطر...

اختيار جميل وذائقه أجمل

وفي تواجدكم يكون المطر منعش ،.،

قصيدة رائعه من شاعر مبدع ... مشكور عالنقل