ياما حلا الموااااااال

ياما حلا الموال مع ضيقت البـال=في ساعة ٍ مافيه للشمس حيلـه
هذاك هم وذيك غربـه وترحـال=وهذاك حلـم ٍ ماجنينـا حصيلـه
يريح بالي كـل ماجبـت مـوال=مني يخفف لوعـة الهـم شيلـه
قد قالها راكان فـي وقتهـا قـال=الهرج يغني صامله عـن جليلـه
ابا اختصرها واشرح الهم بالحال=اوجست في صدري سواة المليله
اوجست حـظ ٍ لـي ردي ٍ ولازال=حظ ٍ تمايل بيـن ميلـه وميلـه
ان جيت اعدلها عن الميسره مال=يم اليمين المنطرف ينحنـي لـه
قال الشريف اللي تناقله الاجيـال=هـرج ٍ حكـيـم ودر لله قيـلـه
إن جاد بك حظك تعلا بك جبـال=وإن بارك بك خلاك حدر النثيلـه
وإن جاد بك حظك يجمّع لك أموال=وان بار بك خـلا ديونـك ثقيلـه
وان جاد حظك سطّرك بين الابطال=لوكنت هافي فعل وسـط القبيلـه
وان بار بك لوكنت بالفعل رجـال=خلا علومك كـل ابوهـا فشيلـه
الحظ لو هو زول من بين الازوال=ياهو قتيلن لـي او إنـي قتيلـه