هل تحب المساجلات الشعرية,,,,,, ادخل اجل

هذا اثبات حضو ر وهى مساجله بين الامير محمد السديرى ومرشد البذال رحمة الله عليهم
مما قال السديرى---
قالوا من الحكمه لزوم تصانع@حتى تكفا شر ناس من الناس
وانا يناجينى عن الذل مانع@وعييت لاارضى بتطمينة الراس
يرضى المصانع من على الذل خانع @وعلى درروب الذل يلقى له اجناس
الذل يوذى لابسات المقانع@وشلون يرضون رجال لهم ساس
يابو عبيد الوقت ماهو مسانع@وعينى يذاودها عن النوم حراس
وفكرى بغياب الهواجيس دانع@وان فات هوجاس دخل فيه هوجاس


ورد عليه مرشد
الوقت منظر ذيب والامر فانع@امر فنيع بين مختلفت الاجناس
كفاك ربك لوم شامت وشانع@ناسٍ شرفها حدر الاقدام ينداس
واللى بلمس الخشم ماهو بقانع@يحق له لو صار بالوضع حساس
مايقنعه سلم النفوس الهوانع@اللى مبادى عيشته سور ولحاس
لوهى بساتينٍ ثمرها مهانع@الى شاف منها ذل تنعاف الاغراس
مراقب العليا طوال نعانع@وطرق الرزاله باسفل القاع غطاس