قصيدة الشاعـــــر سبيل بن سند بن سبيل المزيني الحربي ردا ً على ( السديري رحمه الله ) تجاه مقاله عن قبيلة حرب 000 لن أطيل الشرح , وقبل ذلك أبدأ بنبذة ٍ تعريفية ٍ عن الشاعــــر وهـــــــــــــــــو :
الإسم : سبيل بن سند بن سبيل المزيني الحربي
من قبيلة الحصنان من مزينة من بني سالم من حرب 0
ياأميـر يـا شيـن الخطـأ مـنـك شيـنـاه
ياخوفتـي عقلـك هــك الـيـوم غـايـب
يــوم ٍ مثـلـك تـزعـل الـنـاس عـوجــاه
رجّـال عـرف ومــن حمـولـه وشـايـب
لاجـا هـل ٍ غـي الجهـل فيـه وأغــواه
ولا مسـرد ٍ مـن كـل الأطـراف خـايـب
أنـتـه تـقـول الـقـيـل وتـجـيـد مـعـنـاه
شالك هوى نفسك على غيـر صايـب
لا كــان حـنّـا مـــن تـحــدى إنـتـحـداه
مــن دون واجـبـنـا نـجـيـد الـصـوايـب
ياشايـب ٍ غــي الجـهـل تــوّ مــا جــاه
يـبـى يعـيـب الـنـاس والـعـود عـايـب
يـا ضريغـط اللـي شـال همـن بدنيـاه
يـاذيـب بـيــن معـكـرشـات الـذوايــب
إن كـــان عـنــدك للفـعـايـل إمـجــازاه
حـرب ٍ عمـامـك يــوم مــسّ الجنـايـب
غصـب ٍ عليـك وصامـل العـلـم تلـقـاه
ان طـاب لــك وإلا عـلـى غـيـر طـايـب
أبــــوك معـطـيـنـا الأخــــاوه بـيـمـنـاه
لــــولا الأخــــاوه راح مــالــه نـهـايــب
يــا مــن سواليـفـه تـوسّـخ شـفـايـاه
ذيــب العـلـوم ولا ذكــر لــك حـرايــب
طوبى مقرّ اللي ولى الحكم وأرساه
يامـآ رســى والـيـوم حــدر النصـايـب
ورّث حبـيـب الشـعـب عـقـبـه تـــولاه
فيصـل علـى كبـد العـدو سـمٍ ذايــب
بظلال أخو نوره مشى الذيب والشاه
خلّى الغنم والذيب تمشـي صحايـب
وخـلاّك يالنـمـرود تمـشـي بحسـنـاه
وتحـط بالشعـب السعـودي عصايـب
والله يلـو يـدري عـن العـلـم وأقـصـاه
مـالـك شفـاعـه لــو تشفّـعـت تـايــب
مغتـرّ فـيـك الله عـلـى الخـيـر يـقـداه
وش عرّفـه لـك عنـد مطـلـق حـلايـب
مـاشـاف نــزل ٍ لــك يــدق الـخـونـداه
بمعـيـلـه مـثــل الـخـجــز والـلـعـايـب
نــزل ٍ نـشـوفـه والمخـالـيـق تـدهــاه
نـــزل الــبــلاوي كـلـهــا والـمـصـايـب
عـن روس خلـق الله وأنــا أبــراي لله
عن ناس ترعى فـي طرفكـم حبايـب
لـو فيـك خيـر ووجهـك الشّيـن ينـكـاه
مـــا تـعـتــرض لمكـمّـلـيـن الـنـوايــب
وأولاد وايــل عــن سـوالـفـك مـغـنـاه
مــاهــم بــعــوزك يــامــدوّه زرايـــــب
قطعانهم عشب الخطر غصب ترعـاه
تـرعــاه أبـاعـرهـم لـــو الـــدم رايـــب
وحرب ٍ قواطيع ٍ علـى الخيـل وإرمـاه
عــوق الخصـيـم مــورّدة كــل هـايـب
وشريـدة الفرسـان وشـلـون تنـسـاه
وشلـون تنسـى يـا طـويـل الخبـايـب
اللي علـى شيـل الجماهـي مضـرّاه
يمـنـاه والفسـقـان سـيـف العطـايـب
وإبــن نحـيـت الـلـي نـهــار الـمـثـاراه
كــم كـبـد حــي ٍّ شــب فيـهـا لهـايـب
علـى أبلـج خلّـى الـظـواري تعـشّـاه
وبـطـوع إخــو نــوره تعـشّـى كتـايـب
وإبـن جـزاء يــوم النـضـا جــاه ينـخـاه
وشـلـون تنـسـى يالعـيـن الـصـلايـب
يوم ٍ يشيب الـراس مـن حـس طريـاه
بـيــن الحـنـاكـيـه وذيــــك الـجـذايــب
وفيحـان إخـو نـوره تحـت حـد شلفـاه
كــم فــارس ٍ خــلاّ عظـامـه حطـايـب
اللـي بجاهـه يــوم زاروا هــل الـجـاه
رد الـذويـبـي مـــال رايـــح كـسـايــب
ماخـوذ غصـب وضمّـر الخيـل تشعـاه
وشلـون تنسـى ياعجـيـب العجـايـب
ونسيت إبن ناحل مـع الضيـف وقـراه
هيف السّمين اللي بها النّـي سايـب
اللـي يدسّـم شـارب الضـيـف لاجــاه
الخيـل يعطيهـا وعطـا الـبـل وهـايـب
ونسيـت منـور ذيــب جـمـع ٍ سـرايـاه
مـثـل الـدّبـا الكتـفـان ريــف القـرايـب
حــرز الذلـيـل الـلـي يـفــك الـمـخـلاّه
نسيت إخـو حسنـا عطيـب الضّرايـب
وذويــــخ بـالـعـربـان تـكــثــر رزايـــــاه
إليـا شــان نـطـق إمّيْلـيـن العصـايـب
كــم هـيّـة ٍ زيزومـهـا جـــاب حـسـنـاه
وسعـود مــن بـعـده يـفـك النّشـايـب
وإبــن جـديـع الـلـي بـهـيّـه ضـحـايـاه
فـرسـان قــوم ٍ فـــوق قـــبٍ ربـايــب
يــبــون وضـــــحٍ بـالأبــاهــر مـحــنّــاه
افتـكـهـا ووّهــــل جـبـرهــم نـكـايــب
ونسيـت مانـع حــوض مــوت منـايـاه
مـاتــأخــذ إلا مـحـتـمـيــن الــدّبــايــب
كـم فـارس ٍ قــرّب لــه أجـلـه وغـفّـاه
وعـلـيــه خـــــلاّ لـلـحـوايــم لــوايـــب
مــن كــف إخــو فــزه نواعـيـه تنـعـاه
عـلـيــه هــــلاّت الـعـبـايـر سـكــايــب
ونويشـي اللـي بالخـوي كـل ٍ أوحـاه
بـثــرأ خـويّــه عـــن عـوانـيــه نــايــب
قـص أربعـه وإثنيـن والسّـابـع أنـجـاه
أنهـى المـلام وخاطـره ماهـو طـايـب
وأبــوك يالهـيـبـاد مـــن فـــك بـحـمـاه
يـوم الرصـاص بنـوع وبـل السحـايـب
بــرّم عـصـب رجلـيـه وإنّــا احتمـيـنـاه
دونـــه فـعـلـنـا مـعـجــزات ٍ غــرايــب
والـيـوم عـنـدك لــه مـحـبـه ومـلـجـاه
غــوّال إبــوك وحـايـب ٍ بـــك حـوايــب
والا مـا تنسـى وطيـت ٍ فــوق علـبـاه
وميقـافـنـا لا دفـلـجـن بــــك ركــايــب
جـيـنـاه وإربــــاع الـمـبـانـي مــمّــلاه
فــي كــل بـيـت ٍ مكتّفـيـن ٍ قـضـايـب
والـلـي نــزل عـنـده ثلاثـيـن جـمـهـاه
بـيـن الــذرا والـنـار ضـــم الحـضـايـب
من عرض مـن ربـص هكاليـوم بدمـاه
راع الـنـقـا والـفــوز يـــوم الغـصـايـب
راسه سبق كفه على عـرش ماطـاه
من كف إخـو جـوزاء وأبـوك السّبايـب
فعل ٍ على وضح النقـاء مـا إخترعنـاه
مـا هـي سوالـيـف الوجـيـه القـلايـب
وأضحى جـزاء ميقافنـا اللـي وقفنـاه
شبّهـتـنـا ضـيــن ٍ رثـــع فـيــه لايــــب
ذيــب ٍ يــرد مــن أول الـضّـيـن لـتــلاه
الـشّـكــوى لله يـاكـبـيــر الـقـطـايــب
والله والله واحـــــدٍ مـــــا أتــمــهــزاه
بـالـكــذب..والله يـالـقـلـوب الـلـبـايـب
لـولا القمـر وسهـيـل والـجـدي لــولاه
لأقـــول قـــول ٍ مـــا تعـقـبـه طـلايــب
مــار بــذرا العـنـبـر تـركــت العـلـنْـداه
يالـلـي تـبـي بالـكـذب تـأخـذ غـلايـب
يالطّايـش اللـي طيّشـه كـبـر مـركـاه
هــلا هــلا يـاحـوش بـيــض الـتّـرايـب
هــذا جــداك وغـيـب قلـبـك عـرفـنـاه
مـار الغلـط مرجـوع وإنـس الحـزايـب
إمــا تـعــذ ّر عـــن مـقـالـك ومـنـشـاه
عـبـر الأثـيــر ولا نـبــي لـــك نـجـايـب
يـــوم المـجـلّـد كـــل حــــيٍّ ٍ تــمــلاّه
تـراك مــا أنــت مــن الإذاعــه نعـايـب
دفتـرك مــا خصـيـت بــه يــوم نـقـراه
قـاريــه أنــــا ومـسـطّـراتـه عــرايــب
حـتـى تـعـذ ّر لــك لـنــاس ٍ مـسـمّـاه
كرّ النّظـر وإحسـب جميـع الحسايـب
كــرّ النـظـر وإضــرب عـلـى مـاتــورّاه
وعـنـدك طـريـق العافـيـه والعـقـايـب
إمّـا حفـرت البيـر وإقطـن عـلـى مــاه
وإلا تـــدمّـــه دام مـــيّـــه ســـرايـــب
مـــادام كـــل ٍ مـاســك ٍ مـــاه بـلــزاه
وإلا تـعـرّضـت الـمـحــن والـصّـعـايـب
يــمّــك مـلايـيــن الـمـدافــع مـعــبّــاه
وأقـفـالــهــا قــيّــادهـــا بـالــكــرايــب
الطّـيـش لايـحـرمـك لـــذ الـمـسـاواه
إعـرف تـرى للطيـش غـيـب وغبـايـب
إلا إن عـنـدك للـخـزى مـيـل مشـهـاه
معجبـك مالـك مــن فعـولـن ٍ رهـايـب
فالله خلـق للـداء دواء وأنـت مـن داه
ودواك لـلــجــرّاح فــيـــه الـطــرايــب
يـامــا لعـيـنـك مـــن مـغـثّـه ومــــاذاه
يالـلـي بحـركـم ياملـيـن الــذ ّهـايــب
بـــه حـصــة ٍ بـيـضـاء تـــلالا مـغـطّـاه
غـيّـم سمـاهـا بـيـن خـضـر ٍ رطـايــب
ماأدري ركبهـا غبـار شيـول ومسحـاه
وإلا بــهــا زدتــــم إعــــداد الـجـلايــب
لاوا قـفـيــن ولا بـالأعـيــان شـفــنــاه
حــظــي بــــري لله عـلـيـنـا رقــايــب
حظـي بـري مـا قالـوا الـنـاس قلـنـاه
وبحـظ مـن جـاب الخـبـر لــي جـايـب
ياطـيـر إبــن بـرمـان مـــدري حـلايــاه
يالـلـي تـبــي فـيـنـا تـحــط النّـقـايـب
ماهـو هـلا يالمنتسـب عـقـب عفـنـاه
حـنّـا جبـرنـا مــا يـحــوش القـشـايـب
ولا عـنـدنـا لــــك يـامـحـمـد مـنـاجــاه
خبـل ٍ تـومِّـي فــي شنـبـك الهبـايـب
تـبـي تمـثِّـل عـنـتـر الـخـيـل جـهـجـاه
تمـثـيـل وإلا مـســرد ٍ مـاأنــت ثـايــب
11-26-2008, 06:12 PM
يا أمير يا شين الخطا منك شينــــــــاه,,
(مشاهدة الكل)
الأعضاء الذين شاهدوا الموضوع : 0
العرض الشجري