ابيات عن الصديق

ياصعب والله ماتحصل لك بهادنيا صديق
تزرع كثير وياقل ماتحصد ثمر

بعض العرب صداقته من وين ماجيته يطيق
اليا نصيته فز فيك وقال تامرني امر

لاقال كلمه تمها ولا اعتذر عذرن يليق
واليا وقف وقفة بطل وان هد هدات النمر

وبعض العرب صداقته ماهي على طول الطريق
تقطع صداقة واحدن تقول شايل لك جمر

أما الرفيق الي يلوذ اليا تنصاه الرفيق
اضرب على علاقته اكسين بالخط الحمر

ياهيه يالي مستوي عندي زفيره والشهيق
إن جيت ارد اخشا الندم وياليا سكت ادها وامر


ماني مرح شرذمه ولا مزعل لي فريق
الصبر مفتاح الفرج والسوس ماضر التمر

مادام يمكن طمرها وهو ليه اولعها حريق
بعض السوالف مالها عند الرجال الا الطمر


اعجبتني وحبيت انقلها