الخطوبة

هذه قصيدة بعنوان ( الخطوبة ) أعجبتني بطريقة طرح تساؤلاتها
أتمنى تعجبكم

الكلام اللـي فبالـي صفحتيـن وصفحتيـن
صفحتين(ن)فاضيات وصفحتيـن(ن) أسئلـه
صفحتين(ن) فاضيات(ن) طالعيهـن تفهميـن
كم لنـا مـا ألتقينـا واللقـاء مـا أسهلـه
أكتبي في كل صفحـه كلمتيـن وكلمتيـن
والا اقول لك أمسحيهـن الرسايـل مهزلـه
قابليني (بـس) مـرّه وان بغيتـي تسكتيـن
أسكتي خلّي عيونك تنثـرك شـوق وولـه
وصفحتين الأسئله أقـري وابيـك تجاوبيـن
جاوبيهن سين؟سين؟ وانهـي كـل المسئلـه
ابغي اعرف وش شعورك لو نجيلك خاطبيـن
طالبين القرب منّك يا منـى القلـب وهلـه
وابغي اعرف وش جوابك لو يجونك سائليـن
جالك البارح (عريـس) نرفضـه أو نقبلـه؟
وابغي اعرف لا طبعنا كرتنـا وش تأمريـن؟
أكتبـه كلّـه قصايـد والا اكتـب أمثلـه
وان بدا الحفل افترضنا ويـن ودّك تجلسيـن؟
فوق رمش العين والا في مكـان(ن) أجهلـه؟
وان لفن امّي وأمّـك وطلبـن منّـك تجيـن
تمسكين بإيد رجلك وسـط زحمـه مذهلـه!
ما أضنّك تقبليـن ومـا أضنّـك ترفضيـن
(بس)قولي كيف وضعك قبل أخـر مرحلـه؟
وبسألك لا مـن وقفنـا وحدنـا متقابليـن!
والا اقول لك :روحي اقري صفحتين الاسئله!

الشاعر يحي الحارث