احذر من السوبر ماركت آخر الليل

السلام عليكم ورحمة الله وبركاته

الكثير منا وهو راجع من الإستراحة للبيت آخر الليل يمر أقرب سوبر ماركت ويشتري بعض الأغراض اللي طلبوها منه أهل بيته.

طبعا يكون مستعجل ومرات كثير يكون السوبر ماركت زحمه من الأخوة العائدين من الإستراحات لمنازلهم:s14:

الرجال يأخذ له كيس ويعبي هالكيس خبر صامولي وجبن ومربى وبيض وشامبو وغيرها

طبعاً كالعادة يشتري أشياء مالها داعي وينسى الأشياء المهمة:s77:

وإذا راح يحاسب يقول له الأفغاني وإلا الهندي الحساب سبعين وإلا تسعين وإلا ميتين وخمسين
الرجال يبغى الفكه ويروح البيت وراه دوام والليل رااااااااااااااااااح ويبغى يوصل بسرعه للبيت يأخذ غطه قبل الدوام.:s76:

المهم كأي مواطن سعودي ما يتأكد من الحساب صحيح وإلا لا
على طول يدفع ويخم الكيس ويركب السيارة ويطير للبيت:ablow:

إذا وصل البيت وناظر للكيس زين يشوف إنه مضحوك عليه وأن الهندي نصب عليه بقوووه:s77:

طيب السؤال
وش اللي مطيرك ؟؟
وش الي مايخليك تسأل الهندي الصامولي بكم؟ والشامبوا بكم؟ والبيض بكم؟ والعصير بكم؟


لاتكون تستحي؟؟

معقول يا ولد تستحي؟؟
أفا رجال وتستحي:ranting:

وإلا كثرانه فلوسك...ومخليها سبيل للهنود والبنغاليه:s77:

كل يوم نسمع قصة واحد يقول أمس آخر الليل مريت السوبر ماركت الفلاني وضحك علي؟؟

إلى متى البنغالية والهنود يضحكون علينا ويستنزفون جيوبنا؟؟

إذا تقول يا أخر مستعجل ولا لي خلق أقعد أفاصل فيه حل سهل...ليه ماتروح إلى سوبرماركت كبير يتسخدمون المكينه لحساب قيمة المشريات مثل سوبر الصالحية والعمري في عرعر أو العثيم في القيصومة
كذا أضمن لك من أن يستغفلك هندي وإلا بنغالي