أبو بسام المجلاد في منتدى السلاطين ( شعرا ) لم أقرأ أروع من هذه القصائد .

ليــــــــــــل الغـــــــــــــــــــــــــــــــــرام

حبيبي جيت طيف وسولف السان الْوَلَهْ واطـراك

وبدت قصة غيابـك تَرْثِـي اشعـاري وترثينـي

وتسئل ليه لو حاولت نسيانك عجـزت انسـاك
لأنك مثل روحـي بالجسـد والـروح تحيينـي

تصدّق من غلاتك لو ثواني ما قـدرت أسـلاك

أنا و شلون ا بَسْلاَ وآنت كلّـك عايـشٍ فينـي

حبيبي و ين ما لـدّ ت عيونـي بالنظـر تلقـاك

أشوفك وان قصر عنك النظر صوتـك ينادينـي

(قمَرْعُمْري)(فِزَعْ ليل الغرام) وخاف من مسـراك

وانا ليـل الغـرام وأنـت بـه بـدرٍ تِضَوّينـي

وِلَوْ تَنْظُرْ بعينك شِفْت قلبـي خاتـم ابْ(يمنـاك

وانا في طـوع قلبـي ويـن مايمشـي يمشينـي

فِقَـدْك المجلـس اللـي ضَمّنَا،والباب،والشبـاك

ورصيف الشارع اللي تسلكه ويديـك بيدينـي

وعيون الدور دا خل حَيّنا اللي كنت فيه القـاك

تناظرنـي بصمـت وكنهـا تنـوي تحاكينـي

يسائلني عليـك الشـارع الفرعـي وذاك وذاك

تنادي خطوتـك وتقـول لغيابـك وحشتينـي

وليل البرد في فصل الشتا اللي فيه كنـت ادفـاك

إلى من جيتك ارجف وانت باهدابـك تغطينـي

حبيبي كل هذا اللي ذِكَرْتَه شـي مـن ذكـراك

بربك عاد كيـف ايطاوعـك قلبـك تخلينـي

حبيبي وانت معزوفة غـلاي وخاطـري غنّـاك

أنا غنيت باسمـك أو حـروف اسمـك تغنينـي

يضيق الكون في لحظة زعلك وينفـرج برضـاك

وانا لامن زعلت ازعل معك وارضـاك يرضينـي

كِتَبْتَك ،عشق في دفتر غلاي و كل يـوم اقـراك

ورسمتك طير شوق وعشّك ابداخـل شرايينـي

ونبت وردالربيع بروض عمري يوم سقت اخطاك

علـى درب المحبـه وابتـدت مابينـك وبينـي

وكثر ما اشْرَبْك شوف بنظرة اعيوني كثر مااظماك

وَلاَ تَرْواك عيني وانت تسكن فـي وطـن عينـي

قسم باللي خذا من غيرك ايات الحـلا واعطـاك

فَلاَ حبيت غيرك يا بشر وانـت اسئـل اسنينـي

وانا وشلون احب وكل عرق نابضٍ بـي جـاك

مسيّر لك غـرام وطالـعٍ أمـره مـن ايدينـي

وربّي كل مَا مَرّت حروف اسمي ببـاب اشفـاك

أحِسّك تقطـف اجمـل ورد بالدنيـا وتهدينـي

فداك اللي مضى لي من عمر واللي بقـى يفـداك

وفداك اللي عَرَفْتَه بالعمـر مـن نـاس غالينـي

تِكَدرني سنينٍ ماضيه مـن عمـري ابْ(ليّـاك)

وانا فيها بضاعـه مـن ألـم والحـزن يشرينـي

أنا قبل التقي بك والتعاسـه مـن هنـا وهنـاك

تحاصرني بليـلٍ يسكـب الوحشـه ويسقينـي

أنا عمري لقيتـه يـوم عانـق مركبـي مينـاك

هنا كنتـي وكنـت وديمـة الافـراح تروينـي

أحبك ليه (مدري)بس اعَرْف ان العمـر لـولاك

مجرد حلم ليلـه ضاعـت ابْ(صُبْحِهْ)عناوينـي

الشـــــــاعر الكبير / عبدالله سمــــــاح المجلاد

أبو بسام المجــــــــــــــــــــــلاد

أنتظــــــــــــــــروا القصيدة الثانية .