ياوجودي..

من أشهر قصائد الشاعر ضيدان بن قضعان ..

يـا وجــودي كــل مــا هــبّ صـوتــك مــن شـمــال
وجـد مـن حـدّه زمـانـه عـلــى الـلــي مــا يـبـيــه..

ويـا وجـودي كـلـمـا اضـحـيــت ثــم مــال الـظــلال
لا غـفــت عـيـنــي ولا ذقــت شــي ٍ مـشـتـهـيــه...

وجـد مـن قـفّــى وهْــو فــي رجــا كـلـمــة تـعــال
وإلـتـفـت مـن عـقـب مـاْ اقـفـى ..ولا أحـد ٍ لـدّ فـيـه..!!!

ويــا عـذابــي لا دنــا الـلـيــل مــن روس الـجـبــال
وانـتـهـى يـوم ٍ مـن الـعـمــر مــا عــاد أرتـجـيــه..

وانـتـي أبـعـد مـن سـمـا الـحـلـم ووصـالــك مـحــال
يـا بـعـد مـن هـلّ دمـعـي ضـحـى الـفـرقـا عـلـيــه..

يــا غـنـاتــي لا تـحـسـبـيــن دمـعــي يــوم ســال
ضــعــف ولاّ خــــوف ..ولاّ كــــذا ولاّ كــذيـــه !!

والله إنـــي مـــن رجـــال ٍ يــضــدّون الــرجـــال
لـكـن الـحـظ ّ الـردي ..ســاق دمـعــي كــل أبـيــه !!

ووالله إنـــي كــلــمــا دار حــولــيــك الــجـــدال
قـمـت كـنّ الـمـوت يـشّــر عـلــى قـبــرى بـديــه !!

ووالله ان قــد لــي وانــا اصّــد لا جــالــك مــجــال
صــدّة الـلــي لا تـضـايــق تـذكّــر قـبــر أخـيــه !

ومــن سـألـنــي قـلــت مــدري..وإذا عــاد الـســؤال
قـلـت لـه تـكـفـى سـؤالــك تــرى مـاهــو وجـيــه !!

وش تـبـيـنـي اقـول عـن مـن تــرى ذبـحــي حــلال ؟
والـخـطـا مـنـهـا عـلـيّ..صـرت أحـبــه وأهـتـويــه!!

عـذرهــا لــو مــاْ تْـعــذّر مـثــل واضــرب مـثــال
واحـد ٍ مــا يـعــرف الـحــرّ الاشـقــر يـشـتـويــه !!

وان رجـعـنـالـلـتـواصــيــف لــلـــه الــكــمــال
لاْ انـتـهـى لـيــل الـمـزايـيــن جـاتــك تـبـتـديــه !

كـنّـهـا غـفــل ٍ مــع الـبــدو طـاويـهــا الـحـيــال
مـا يـمـيّــز وصـفـهــا إلا نـبـيــه ٍ مــن نـبـيــه.!!

وآهــنــي الــلــي وصـلــهــا وذاق مـــن الـــزلال
شـربـة مـع غـفـلــة الـنــاس مــن فـيـهــا لـفـيــه..

يــاْ اول أحــلام الـطـفـولــه عـلــى حــد ّ الـخـيــال
الـرجـى بـالـلـي حـمـى الـبـيـت مـن حـمـلـة بـريـه..

حـال دونــك سـيــف عـنـتــر وتـاســع حــول حــال
بـاْثـر حـول ٍ حـال دونـك وانـا ادعــى هـيــه هـيــه !!

هـيـه يـالـلـي غـرّك الـحـســن واطـغــاك الـجـمــال
والله أنـي امــوت مــا شـفــت لأوصـافــك شـبـيــه !!

لـو يـســام الـحـســن والـتـيــه بـجـنـيــه وريــال
مـا بـقـى فــي ســوق غـيــرك ريــال ولا جـنـيــه !!

كـيــف أهــدّك لـلـمـقـاديــر وانـتــي راس مـــال؟؟
راس مـال ومـال..والـمـال مــاْ يـغـطــي الـسـفـيــه !!

حـافـظـك حـفـظـي لـعـيـنـي ورمـشــي لــك جــلال
وانـتـي تْـشـحّـيـن بـالـمـا..وانــا شـفّــي مـويــه !!

شـايـف ٍ ظـلـمــك وسـاكــت وطــال الـلـيــل طــال
لا نـويـتـي طـعـن قـلـبـي وانـا مــا قـلــت لـيــه...

لـو بـقـى لـلـهـيــل صـبــر ٍ عـلــى فــوح الــدلال
مـا بـقـى لـلـهـيـل صـبـرٍ عـلــى شــي ٍ يـجـيــه!!

وانـتـي تْـسـوقـيـن عـقـلــي عـلــى حــدّ الـهـبــال
تـحـسـبـيـن ان مـن بـغـى شـي ..يـقـدر يـشـتـريـه !!!

ولاّ انــا يــا وجــد حـالــي وجـــود ٍ مـــا يــقــال
وجـد مــن ضـحّــى بـغـالـيــه لْـرضــا والـديــه...

ويـا وجـودي بــأول الـعـمــر قـبــل ألـبــس عـقــال
وجـد مـن بـاع آخـر الـعـمـر ..فــي رغـبــة ذويــه !!

ويـا وجـودي كــل مــا هــبّ صـوتــك مــن شـمــال
وجـد مـن حـدّه زمـانـه عـلـى الـلـي مــا يــبيــه !!!