واحد عصبي فتح له منتدى تعال وشوف !!

:brows::brows::brows:


السّــــلام عليكم ورحمة الله وبركاته





واحد معصب فتح له منتدى شوفوا شروووطه:







تعالوا نقرأ شروطه:





:





لقد تغيرت شروط التسجيل في المنتدى ....




وتمّ تغيير مسمى المنتدى ليواكب مرحلة ما بعد الحرب الباردة





اعرفوا الشروط زين....وافهموها....




واللي ما يبي هالشروط جعل أصابعه اللي طقت على الكيبورد الكسر...




ولو ما عليه كلافه يطق رأسه بأقرب جدار....حنا ما نلعب....واللي يبينا حياه الله بيننا....فهمتوا.




بما أن هذا الموقع موقعي بروحي لابارك الله فيكم وفي الساعة اللي فتحت لكم هالموقع....




فاللي يبي يسجل معنا يوافق على الشروط من ورى خشمه ....






والشروط هي...






1- اللي يسب أي واحد من الأعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس...




قايلكم حنا ما نلعب




2-اللي بيخربط بالدين ولا بالسياسه....هذا عذابه عذاب. بخليه يتخيل أنه قرد ولا عمره ذاق موز....




وأبحجز له على أقرب رحله على طياره ترش الجراد وأبرقي فيه على ارتفاع 50000 ألف قدم




وبرضخ به على خوص نخله...علشان ما يعود لها.....




قايلكم حنا ما نلعب




3- أنتم اعضاء لكم تكتبون بس....ولاأحد فيكم يسوي لي فيه مراقب مانبي مراقبين.....




فهمتوا ولا أفهمكم... :brows:






4- اللي بيسجل بأسماء قبايل وعوايل...ولا مخله بالادب....هذا بنوديه لأقرب شيخ وبنكويه من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....




أشهد أن الددسن سياره ... قايلكم ما نلعب...




5- قريتوا الشروط........هاه عجبتكم....فهمتوها...طيب ما عندنا تسجيل هالأيام....واللي يبي يسجل




معنا يرسل لي إيميل على التلفون حقي اللي ماني ذاكره لكم...لأن الدعوه عناد...واللي برأسه حب ماانطحن....تراي ابطحنه له....واذا فيه خير يقابلني وين ما يبي....




ملاحظه......




اللي بنكتشف أنه رجال مشورب ويكتب بأسماء بنات...ولا بنات تكتب بأسماء رجاليه هذولي بنخلي خششهم كلمات متقاطعه يصعب حلها.....




موافق.................




غير موافق...............




واللي فيه خير يكتب غير موافق




:brows::brows::brows: