الموضوع لزياده الوعي من المسئولين بمستشفى عرعر لا لسب أحد

السلام عليكم ورحمة الله وبركاتة
أخواني وعزوتي أولا أود اوضح من هذا المنتدى ما هو ليس خافي عليكم أود اذكر لكم سلبيات حصلت لي ليله البارحة في طوارىء مستشفى عرعر المركزي الله لا يظر احد منكم حصل معي البارح خشت برد حلوه خشت هههههههه يعني تغير بالجو وانتم عارفين داخلين على الشتاء و
أظطريت يابعدي اروح للمركزي ولكن المؤسف انني أول ما دخلت البوابة رحت للأستقبال وحصلت السوداني وما قصر عطاني ورقة ومو كاتب فيها لا اسمي ولا رقم ولا شىء فاضية ولما دخلت على الغرفة الي فيها الدكتور وحصلتهم اثنين واحد نيجيري يتكلم اللغة العربية الفصحة والثاني الله والعالم هندي بس انا لا انتقد الدكاتره بل انتقد الان طريقة التنظيم يوجد سيكورتي لكن مثل عدمة والغرفة فيها ما يقارب العشره وانا من ظمنهم ولكن والله العظيم كانهم رجعونا لأيام الاكتتابات كل من يبي يصير الاول والمشكلة لو جلس المريض عند الدكتور فية عشره على راسة يعني أمانة يالمسئــــــــــــول ؟؟؟ كيف أبي اقول للدكتور عن الي فيني والازعاج كلة فوق راسي ويمكن شخص عنده أشياء خاصة ومو لزم يكون عنده أحد بالغرفة الا الدكتور حتى ماينحرج والله اني جيت مستشفىء الشميسي بالرياض ان السيكورتي قبل لا تدخل يقول وش عندك ويوجهك للاستقبال ومن ثم الي الدكتور أتمنى من المسئول عن الاسعاف والطوارىء بعرعر أنة يشوف حل والله العظيم اني طلعت ورميت الورقة بوجة السوداني وانا زعلان لان شىء يقهر فوق ما انت تعبان يجي غيرك ويأخذ دورك ولكن الله يكتب لنا والشفاء والله لا يظر جميع مسلم .....