الملثم السلطاني ضيف كرسي الاعتراف ْْ~

المشاركة الأصلية كتبت بواسطة الدانة

السلام عليكم
1_ايش المقلب الغريب او المضحك الي مريت فيه بحياتك؟؟

2_ايش رايك بكل من الشخصيات:
الهادي:
المتوسط:
العصبي:
ان شاءالله تكون اسئلتي خفيفةعليك

السلام عليكم
وعليكم السلام
1_ايش المقلب الغريب او المضحك الي مريت فيه بحياتك؟؟
المقلب كان صعب سويناه على واحد من خويانا كنا جالسين مجموعه من الشباب
وعندنا سلاح وكان موجود بعض الطلقات اللي تطلع صوت فقط (فشنق) وكنا نستخدمها لتخريع
فإتفقنا على شخص سوف يأتينا قريبا وهو غشيم بالأسلحه ولايعرف عنها سوى أنها خطيره
وقاتله..
ماهي إلا لحظات.. وجاء صاحبنا.. عمك في الله.. يمشي ويغني مستان..
مايدري حنا وش ناوين عليه..
من اللحظه الأولى.. عند دخوله.. رفعنا عليه السلاح.. وقلنا له لاتحرك.خلك مكانك..
ولا والله الرصاصه
تجي بقلبك..سمع الكلام وظل بمكانه.. وأخذ.. يترجى أخزو الشيطان ..
لاتلعبون بالسلاح تراه خطير..حتى لومابه شي
ترا الشيطان يملاه ..
وقعد يبربر ..ترى اللعب بالسلاح مهو زين ..ويجيب لنا أحداث صارت من يعيل جدي ..

قلنا له أسمع.. خلك رجال زين وتشهد .. أنت وشفيك..طقتك أم الصوفه..
منت أول ولا أخر واحد يموت
مار سلم على الدنيا.. وترك القرقره اللي ماله داعي..

نطق خوينا اللي شايل إسلاحه.. قال تشهد تراني راميك راميك..
أعدلك لثلاثه ..
وااااااااااحد ..
اثنيييييييييين..
ث ث ث ثلاااااااااااثه ..
إنطلق إنفجارا قويا.. حتى حنا رمزنا من الخرعه..وأذانا تصقعت من الصفير..

وبحرنا لخوينا لقيناه متسمر بالجدار.. شاحب وجهه.. ويفلص بعيونه..
هرولنا يمه ..نكلمه ما يكلمنا ..نعطيه من الكفوف ماتنفعبه ..
قلنا صابته سكته ..أخذنا شوي..
إلا هذا هو..

قام يناظر بجسمه ..يتلمس صدره ..يبحر للجدار اللي وراه..يسألنا الطلقه وين راحت..
هههههههههههاي
حنا فرطنا من الضحك.. قلنا أي طلقه يارجال.. هذي بس صوت نبي نخرعك بها
أنت منجدك بغيت تروح فيها

قال يلعن أبو أبو أبيلسكم والله ذبحتوني بس الله مابغاني ..
يومني سمعت الطلقه..وشميت ريحة النار.. قلت والله مالها عن صدري..
ياخواني شفت الموت تراني.. حسيت بحره تسري بصدري ياما اضربت بطني..
قلت هذي مصاريني تشرشحت وماني منزل عيوني ..مابي أشوف الشوفه..
وصابتني دوشه..وعجزت لتنفس.. الله لايباركبكم


..قلنا ليه ماتشهدت.. قال والله إني عجزت عنها ..وحسبت نفسي من أهل النار
ههههههههههههههههههاي
ويوم شد عزمه انحشنا عن وجه.. قام يلحكنا بالنعول ..ويخبطنا..
أظاهر يشوفنا بريعصيات قدامه خخخخخخخخخ


_ايش رايك بكل من الشخصيات:
الهادي:
المتوسط :
العصبي:
أختي العزيزه من الصعوبه بمكان إعطاءك رأيي عن هذه الشخصيات الثلاثه
وذلك لأنها تتكلم عن الشخصيات جميعا..
ولايمكن حصرها في كلمات فلابد من التجربه والمعايشه..
ربما كل شخصيه من الشخصيات الثلاثه تتوالد منها العشرات من الشخصيات
والعشرات توالد منها عشرات أخرى..

علما بأن نفس الشخصيه الواحده تمر عليها جميع حالات الشخصيات
ربما يكون هادئ وربما يكون متوسط وربما يكون عصبي..

ولكن كإطار عام لهذه الشخصيات أقول لكي:-
الهادي:
على قولتهم.. ذل من الساكت.. لأننا لاندري هل هوشخص ذكي أم غبي أم شجاع أم جبان
المتوسط:
خليط من الهادي والعصبي وغالبة الناس في هذه الطبقه
ومنهم الملثم السلطاني
العصبي:
بالعاده يكون ثرثار ونعرف كل بواطنه ومخافيه
ان شاءالله تكون اسئلتي خفيفةعليك
والله يعني
الدانه من الأعماق شكرا