قصيدة لخلف المشعان

شرع شبابيك القلق واشهق النـاي
وازفر مع الحان المفارق .. غلايه
ماني ولد نعمه .. ولا ني ولد هاي
رجل ٍ صدوق وراس مالي .. وفايه
كنت احسب اني قيس واقول ليـلاي
ماحدٍ دخل في قلب ليلى .. معايـه
ناديت لي فجأه .. وجيتك من اقصاي
قلت العلاج ... و ( .. ) أم الوقايه
ظامي حنانيه وجيت اسحب خطـاي
من كل عقلي .. قلت ابروي ظمايه
لين اكتشفت انك مثل كاسة الشـاي
يشرب بها .. مليون .. واحد ورايه
والله ماتسوى مع القاع .. ماطـاي
ولا سهر .. عيني .. وباقي ..شقايه
الله يسامحني .. على .. تيهة الراي
فعلا خطايه .. !! واتحمل .. خطايه