ليَت كل [ن] يَ رفِيقيُ بسً ! يآخذ مآ كفآه َِ

.
.
.,

واقف اشوف المقابر تارك (ن) خلفي حياه
جيت ابنشد هالمقابر عن اوادم ميتين

بعضهم تارك صلاته بعضهم كانوا طغاه
يظلمون الحي لين الحي قال الموت وين ؟

وبعضهم قبل المأذن يحتسب وقت الصلاه
كاسب الدنيا وكاسب مع هوى دنياه دين

طالبك يارب عبدك يوصل الي قد بغاه
مايفوت فرض واحد مرضي (ن) للوادين

ياهلي ياصحاب قلبي اسمعوا هذي الوصاه
جعلني ماموت الا في صفوف الساجدين

من خطا ..!! فانا مسامح جعل يغفر له خطاه
رب خالقني وخالق هالاوادم اجمعين

جعلني ماطب نار(ن) قد تذوقها العصاه
وجعلني اخذ كتابي يارفيقي باليمين

وجعلني مايوم اظلم لو حبة حصاه
ادري ان الله إلآهي مايحب الظالمين

ليت كل (ن) بس يلحق في رضى امه ثم اباه
وليت كل (ن) حافظ القرآن والحق المبين

وليت كل (ن) بس ياخذ يارفيقي ماكفاه
ويترك اطماع (ن) غزت عقله ولا هوبالفطين

من علامات القيامه ياحفاه ويارعاه
انكم باخر زمنا للمباني منشئين

فاصحوا اصحوا ياجماعه واستعينوا بالصلاه
واحمدوا رب (ن) خلقنا طاهرين ومسلمين

.
.
. ,



ل ِ الشاعر / خالد الكيآدي