الوفاء المؤكد

بسم الله الرحمن الرحيم

:faa9:

هل انت شاعر هل انتي شاعره اليكم والى جميع العاشقين
الى كل زوج وزوجه اقول

((( قف امامك نزاهة ووفاء نمر ووضحى رحمهم الله )))

سار القلم ياعقاب بالحبرسارا = وبزيزف القرطاس يامهجتي سار
سار القلم بالنويهدات الصغارا = ياعين وكري وحش حين ما طار
أكتب جوابٍ مثل قطف الثمارا = من قيل ابن عدوان نظم له اسطار
من ضامري كنه وقيدت نا را = يانيرة النمرود تشبه لها نار
لكن ينهش بي غليث السعارا = والحال مني تقل يبراه نجار
أكتب وليفي ولع القلب نارا = خلان بالدنيا وحيد أو محتار
ياعقاب من فقده إعيوني سهارا = لكن فيها ذر شب وزنجار
أعولَ عويل الذيب ليل ونهارا = وأحن حن الجيد ثاو على الدار
على حبيبٍ بالترايب توار ا= خلان مشتاق وحيد ومحتار
والله لاهو كذب ولاهو قمارا = أيضا ولا أنا بالتماثيل بذار
واخلاف مابين البسيطه أوارا = ومن طاف في طيبه وللبيت زوار
أنا إن نظرته رامي للجمارا = كن القمر في موق عيني إلا انذار
يا عقاب لو تجمع جميع العذارا = من اليمن لديار نجد لسنجار
من بصرة الفيحا إلى قندهارا = من غير وضحى مالك الله نختار
أجل جل الزين حسن المسارا = راعي ثليل فوق الارداف نثار
العنق عنق اللي تقود العفارا = قايد اخشوف الريم في دو الاقفار
ياغصن موزٍ تحته الماى جارا = في وسط بستان دنت من الأثمار
ياعقاب ماوالله مدير النهارا = مجري سفينة نوح في غب الابحار
لوجن بنات البدو صفٍ تبارا = على الحنايا دللن كل خوار
ولو جن بنات الحظر مثل المهارا = سطر الذهب بارقابهن تقل نوار
ولو جن بنات صليب فوق الشهارا = ياما حلا يشفين دق الأوبار
ولو جن بنات الترك هن والنصارا = والهند واللي سكن كل الأمصار
جني ضحى العيد وسط النهارا = وقالوا لنا يانمر قم طب واختار
ما اخذ سوى مضنون عيني إخيارا = الصاحب اللي فر عقلي معه طار
فيها اخصال وافيات اكثارا = ومثايلٍ فيها التفاكير تحتار
قلت آه وا ويلاه مر المرارا = من مي زقوم جرعته له امرار
من فقد مسلوب الحشا شين سارا = غروٍ كما بدر لها النور نشار
ياليتني وياه نثني المشارا = فوق السبايا وأشهب الملح زجار
لاكن ملك الموت جاله اعتارا = فرق وشتت واودع القلب محتار
ريحة جسدها مثل ريح البهارا = وبين اشفتيها تقل حص محار
لولا ضلوعي فر قلبي وطارا = لاكن ينشر ثومة القلب نشار
من لامني به هو ثور او هو حمارا = والثور اخير من لو دير يندار
صلاة ربي عد وحش القفارا = والا عدد نبت يروى بالاقفار
على النبي المبعوث سر وجهارا = سيد البشر اللي قهر كل جبار

:faa9: