بين الريال وبين شيمات الرجال

بسم الله الرحمن الرحيم

للشاعر /نايف بن مسرع

بين ... الريال... وبين.. شيمات.. الرجال
حرب (ن) ضروس (ن) قل من يفطن لها

نار(ن)..... لها. بين. المعاليق..... اشتعال
ماتحرق... إلا. من.. بجوفه.......... شلها

أحدن.. رقى... للعز.. في ..روس. العلال
واحدن ..على... عزه... دموعه...... هلها

وليا..خضع... للمال...... (عباد... الريال)
حزمت... نفسي... لو ...تموت ......بغلها

واللقمه.. اللي... تلبس... الرجال..... شال
لانيب.. راجيها... ولا.. مشف(ن).... لها

أشوم...... عنها.. عل.. تاليها...... الزوال
بتموت.... نفس... العز... قبل....... أذلها

يالله... وانا.. طالبك..... ياجل..... الجلال
نفسي ...على... دروب.. المكارم.... دلها

واعوذبك.. يارب... من..... ذل... السؤال
ومن ..وقفة.. الاقدام ...عند... أعد(ن) لها

بالهون ياوقت(ن) على .اهل الطيب.. مال
بوجيهنا... ليش... السيوف ..........تسلها!

دامك.. عطيت... الفال. فاكرم....(م)لعقال
يكفي ..وخل... أهل... الحمول...... تشلها

ياصاحبي... لاعاد.. تكثر......... فالجدال
معادلة... صعبة.. ولا اقدر..........حلها

ولو... تتهمني.... بالتزمت........ والهبال
النفس.. هذي... هي ...وهذا....... اجبلها

لومت ضامي والفخر لي..... رأس.. مال
كني شربت ...انهار....... دجله..... كلها

ياما .على صدر... السماء.. نشا.... خيال
وتموت.. الارض.. وماطره....... مابلها

وكم دوحة(ن) فالقيض وارفة..... الظلال
لاجيت.. ابيها.. قام....... يقصر.... ظلها

وكمن هلال(ن).. لاح من بعده..... هلال
وأنا.... اتصبر.......... وانتظر..... لعلها

والحض نوّ(ن).. فالسما... وبله.... زلال
دارن...... تعداها.... ودارن......... بلها

اسقى ديار(ن)... ماتشد.. إلها.... الرحال
وارض الكرم. و.الجود.. وبله...... زلها

المال ..خلا.. فآخر.. الوقت..... احتلال
كم روس قوم(ن).. تشتكي من.... حلها

يوم إن.. {شيخ المال} ....لله ....الكمال
فتخه.. وبشت.... وسبحة(ن).... يستلها

مهيب{شيخة يوم ضربات.... السلال}
كثر... الريال.. وجابها......... مشتلها