تعدد الزوجات..........للمناقشه

الله يجزاك خير يا ابو فايز ع الرد

بصراحه الواحد مايضحي باسرته عشان غيره لو الزوجه الاولى طلبت الطلاق ماراح ينفعه انه تزوجج من وحده مطلقه او ارمله عشان يكسب فيهم اجر ويأثم ع زوجته الي طلبت الطلاق وليش يتعب نفسيته ومشاكل وعوار راس وبالاخير عدم ثقه بينهم ويمكن توصل للكره

1-بعدين الارمله الله يجزاها خير تقعد تربي عيالها احسن تربيه وتعوضهم وتصير لهم الام والابو الشي هذا مو صعب بزمنا هذا لان الحين صارت مساواه بين الرجل والمراه فكثير من النساء هن اللي ماخذات دور الرجل وتلاقاها كبيره بعين عيالها وشايله مسوولية كل شي والوحده شتبي بالدنيا غير ان اعيالها يكونون مستانسين ونفسياتهم مرتاحه ولا تجيبلهم رجال غير ابوهم هذا ماراح ياثر ع نفسيتهم ويحسون ان امهم نست ابوهم وبدلت بكل سهوله.

2- المطلقه لو الاهل يشدون ع بناتهم ويصبرن ع الرجال جان ماكثرت حالات الطلاق لان مافي رجل سيء بهالدنيا اي رجل يمر بظروف وامور غصبن عنه بس المرأه الذكيه والصالحه تعرف شلون تقرب لزوجها وتهديه (بهالوقت الحريم مدلعات ويتشرطن بعد -لو يعيشن حيات حريم اول شراح يسون رجال اول حتى مايعطون حريمهم ريج حلو ولا مسموح لها تشتكي من شي (الله يعين)

3-العانس يمكن بهاذي اوافقك الرأي لان العانس (من تعدت سن 30 وفوق) تبي الحياة ودور الستر ومادور المشاكل الاغلبية.


*ملاحظه:

والله احطها ع راسي المراه اللي يتقدم لها رجل متزوج وتطلب موافقت زوجته وتصير لها الاخت والمعينه بهدنيا -والله لو القى وحده جذي بالزمن هذا تحاول تسعد زوجي وتبعد عن حياته المشاكل وتصيرلي الاخت والصديقه انا اروح بنفسي واخطبها لزوجي.

اخي ابو فايز احنا مجتمع النساء اخذنا فكره سلبيه عن التعدد من الظلم الي يصير للزوجه الاولى وابنائها واهمال الزوج لها وعدم الاهتمام فيها لاتلومنا لان الحين الواحد بالعافيه يصفاله ع وحده سنعه ادور راحة زوجها وبيتها تبيه ياخذ ثانيه هذاك بزمن أول الحريم يدارن ارجالهن ويدورن راحتهم اما الحين من سوق لي سوق ولا من عرس لي عرس وراحت سيرت عند فلانه وعلانه والبيت مافيه الا الخدم والجهال والله يعين.
ان ما اتكلم من عدم او فراغ هالامور شايفتها بعيني والله يعين ويصلح احوال جميع الاسر المسلمه ويستر عليهم من فتن هالدنيا

اشكر لك مرورك اخي الكريم