اضحـك , مـع مواقف شبل الثوارين ....!

السلام عليكم ورحمة الله وبركـآتـه ,,
[align=center]
مـسـآئـكـم _ صبـآحـكـم ,, عسسسل ,,
< مبين عليـه ولد لطيف ومؤدب ,,
المهـم , نبي نسولف شوي وابي احكيلكـم عـن بعـض المـواقف واللحـظـآت المضحـكـه , واللي تثير الدهشـه والاستغرآب , مشينآ؟ ,, يآلـلـه ,
,‘

مره من المرآت , أيـآم مآكنـت ادرس بآلثانوي , وذلك في مدينة القيصومـه , طبعـآ كنت مشهور ومعروف بالمدرسـه بالإذاعـه المدرسيـه (والله زمآآن) , ودايم اطلع بالإذاعـه , المهـم في أحـد الأيآم , وأحـد الصبآحات (اكيد الاذاعه الصبآح اجل المغرب ؟ ) جآء دور الإذآعـه , وانا المقدم طبعآ (شعنده مايطلبه المشاهدون !) ومسكت المآيكروفون : السلام عليكم ورحمة والله وبركاته , يسرنا ان نقدم لكـم اذاعتنا لهذا اليوم ...الخ , بدينآ بالقرآن الكريم , وبعـده : حديث شريف , وبعده حكمـة اليوم , وتوالت فقرات الاذاعـه , خلصنآ , وجيت بختم الاذاعـه : وهنا نصل الى ختام اذاعتنا لهذا اليوم على امل اللقاء بكم في يوم دراسي جديد .. والسلام عليكم ورحمة الله وبركآتـه , طبعـآ انتم عارفين وقتهآ ماوصلتنا التكنلوجيا بمدينة القيصومـه , وكان المايك بسلك طويل يمتد من غرفة المدير , يعني مو لاسلكي , المهم بعد ماختمت الاذاعه , اقبل علي مدرس الرياضه يبي الميكروفون عشان التدريبات الصباحيه , اول مالفيت وجهي ابي امشي , مشيت خطوه وحده, ما انتبهت للسلك انه لاف على رجلي , وانا اسحب الميكروفون معاي برجلي ويطير المايك هنااااك وتكسر , وانا خثعت بغيت اجي على وجهي بس مسكت روحي , يعني تخيلوا , قدام مايقارب 300 او 400 طالب , وصار الموقف ذا , احراااااااج المهم , اللي نفعني انو مدرس الرياضه رجع على طول بعد ماطاح المايك ومشى السسالفه , وكان المدير الله يستر عليه ويذكره بالخير , كل مايشوفني يطالبني بحق الميكروفون ,وانا يبرد وجهي ما ادري وش اقول له , تخبرون وقتها الفسحه كانت 3 ريال ووقت الرواتب 5 ريال وتقعد معانا 3 ايام هههههههههه,,
,*.
,‘
.‘
.‘
موقف آخر يدل على غباء بعض الناس , والدلاخه المستعصيه اللي مالها حـل , أيآم دورتي العسكريه , كنـت انا واربعه من الشباب نتنآوب على الخفارات (الخفاره : بمعنى الحراسه اما ان تكون على بوابه او مستودع او اي شي له اهميه) , المهم طبعآ خفاراتنا كانت على البوابه الرئيسيه لمركز التدريب , وفي احد الايام كنت مستلم الساعه 2 بالليل تقريبآ , وجالس عند البوابـه , وجاء احد المدربين مسوي يعقب يعني , طبعآ انا كنت لحالي على البوابـه , المهم سلم , ورديت السلام , وتعالو شوفو الطامه الكبرى ,, يقول لي :
وش عنـدكـ هنــــآآآآ...,؟؟؟؟؟؟؟؟؟
وانا انصدم , قلت لآ , ذا شكله يمزح , او يتريق , بس مابيني وبينه ميانه ,, الزبدهـ سكت انـآ , وقلت له : والله يامدرب محمد انت يعني وش رايك ؟ تشوفني ماسك سلاح , وجالس بالبوابـه يعني ازرع بصل مثلآ؟؟
وسكت , ومشـى ولم يتفوهـ ببنت شفـه , شكله نقد على حاله , بس يعني معقوله وصلت درجة الغبآء لهالدرجـه ..؟ الله اعـلمـ ,,
.‘
.‘
.‘
أيـآم مافتـح مطعـم هـرفـي عندنآ بعرعر , مرني احد الشباب , ورحنآ نتمشى شوي , وقلنا هرفي فاتح ليه مانجربـه , المهم رحنـآ , وطلبنآ : تورتيلآ دجآج أب سآيز (أب سايز ما ادري وش معناها بس مع العالم ), وطلبنا واخذناا الطلب , طبعآ قبلهآ كنآ متحمسين ومستانسين هرفي فاتح بعرعر , معجزه , المهم وحنآ رايحين , من كبر الكيس خويي قال لي حطه ورآ عشان مايسوي زحمـه , انا قدمت شوي , ولفيت ورآ ابي احط الكيس , مادريت الا خويي وهو يسوق يقول : العن ابوه , عوووووووع , طب طرآآآآخ , انا حسيت اني دايخ , وركبي تعورني , طبعآ حضرت انا بالقزاز , وركبي بالدرج اللي قدام , الزبده انكـب العشآء , واتذكر بعد الحادث انو كنا طالبين حلقات بصل مع الوجبات , وفتحناها قبل لا نصدم مسوين نقنقه يعني , وكنت ماسك بايدي حلقة بصل , مع الحادث طاحت على الطبلون قدامي , واخذتها اناظر فيها , وقلت طاح الشر , واقسم نصين واعطي خويي نص , وانا نص ,وقلنا لبعض الحمدلله على السسلامـه , وياعلهآ مآعآدت ياهرفي ,,,,,,.....
,‘
.‘
.‘
.‘
في احـد العروس , كنت كاشخ ومتعب حالي , المهم , العرس كان زحمة رجال , ورحنا انا وبعض الشباب سلمنا على العريس , ووقفنا بنص الصاله بين الرجال , نسولف , وفجـأه , في واحد من الاطفال يعرفني (مسوي يمون) ووقف بجنبي ,وحبيته , شوي , مادريت الا اللي يسحب شماغي من تحت , ويطيح العقال بنص العالم , وشماغي وقلب وجهي احمررررررررررررررر , حتى العقال تدحرج بنص الصاله تقول كفر سياره , تعالوا دوروني بالعرس بعد هالسالفه ,,,,,,,,,,,!
.‘
.‘
.‘
.‘
كنت في احد زياراتي لمدينة الخفجي , اتمشى لحالي , المهم في واحد من اخوياي شمري , وسألت عنه بحارتهم (الكيلو) , ووصفولي بيته , انا اشوف اللي اكلمهم يطالعون فيني باستغراب , وانا اندهشت قلت وش عندهم ذولي ؟ مشيت للرجال , واسلم علييه , ويقلطني بالدوانيه وعنده اخوياه طبعآ , الا الناس تناظرني باستغراب ومتعجبين مني , قلت معقوله يعني عشاني غريب على هالديره ؟ تقهويت , جلست شوي ,ونظراتهم لي بصراحه شكيت بنفسي , مشيت , ورحت لمعآزيبنآ , ونزلت ثوبي , توقعون وش سر نظرات العالم لي ؟؟؟
كنت قبلها مآكل آيسكريم جآز الازرق (عسكريم) , وطبعا هو كاكاو من برآ , وطاح منه على ثوبي من فوق وصاير كله كاكاو والثوب ابيض يعني ماينرقع ,........... وانا انهبل , والرجال ماعاد شفته غير ماشفتـه ..........!
.‘
.‘
.‘
.‘
ايام تقديمنآ بالعسكريه , كنا نخلص اجراءآتنآ , واخذنا منهم اوراق للادله الجنائيه ,عشان يشوفون علينا سوابق ولا لآ , المهم رحنا للأدله الجنائيه , وعطيناهم اوراقنا , وقالوا استريحوا شوي , قلنآ طيب , الشاهد قلت للعيال انتم اجلسوا هنآ , وانا بروح اكلم وارجع , رحت , ورجعت , وفيه كراسي بالاستراحه حقتهم متصله ببعض , واشوف اخوياي جالسين بجنب بعض , وفيه كراسي بالزاويه فاضيه ,وطبعآ الصاله كانت شبه مليانـه , وقلت غريبه ليه محد يجلس هناك , ورحت ابي اجلس , وانا اجلس وووووووطرآآآآآآآآآآآآآآآآآآآآآآآآآآآآآآخخخخخخخخخ’ طلعت الكراسي مكسوره ,, وربي كرهت اليوم اللي سجلت فيه بالعسكريه , والعيال ضحك والعالم , واحراااااااااااااااااااااج.......!
.‘
.‘
.‘
.‘

مره , من المرارير , مودي امي للسوق , وحنآ راجعين البيت , شافت سوبرماركت وقالت وقف وقف نبي ناخذ خبز وروب , وقفت , ونزلنآ , وعند ثلاجة الروب انا محتآر من كثر شركات الروب ما ادري وش آخذ , المهم اخذت روب واذكر ان امي كانت حولي , وشفت مره بجنبي ماركزت فيها , قلت : يمه يمه هذا ؟؟ , ماردت علي , وانا المس كتفها قلت يمه يمه هذا ؟؟ وتناظرني المره , وطلعت مو امي , وانا بصراحـه وجهي قام يعرق وطلعت برآ , لين ماجتني امي , ...........!
.‘
.‘
.‘
.‘
والى هنآ نصل الى ختآم مواقفنا الطريفه , وانشالله انبسطتوا واستآنستوا ,,,,,,,, نشوفكـم على خير ,,