يابروق السحايب

يابروق السحايب اللي تزيح الظلام,,,,زيحي ذا الهم عني كان تقتدر تزيح
جاثين فوق صدري مثل جثي الركام,,,,وأنتهى بالحنايا مثل جمر اللفيح
والله اني معافى من جميع السقام,,,,بس حبه دعاني من صوبه طريح
لوكتمته عنايه بين طول الزاحام,,,,تفضح العين دمعه محتواها فصيح
كن عيني سحابه من سحاب الغمام,,,,لي ذكرت الحبايب هل ماها لضيح
أسهر الليل كله ماهتني بالمنام,,,,والخلي في منامه مهتني ومستريح
مادرا بلتياعي بالهوى والغرام,,,,وأختلاجي ونوحي من مصابي أصيح
راح كنه ونساني دون أي أهتمام,,,,بعد ماأمكن سهامه في فؤادي الجريح
أنتخي بالتسلي به أشد الحزام,,,,,يخذلني عزومي في مكانن فسيح
وأرجع ألوم نفسي ومايفيد الملاام,,,,وش تفيد الملامه يوم دمي سفيح
ياعنيد المشاعر بعدكم لي حرام,,,,جود لي بالوصل مره رد لي يامليح
طال صبري وبعدك مدعيني حطام,,,,مثلما غصن ورده داعبه عاصف ريح





تحياتي مـــآســـتــــــر الــثـواريــــن