لا ضاق صدرك

السلام عليكم ورحمة الله وبركاته

قصيدة رائعة للشاعر/غزاي الحربي أعجبتني و أتمنى تعجبكم

لآضاق صدرك عالي الصوت جره

لو كان قلبك ما يطاوعك مســـرور

دنياك لو تسوى من الحِــــزن ذرّه
ما كان تاليها توابيت وقبـــــــــور

وما كان للكافر بعمره مســــــــره
وما شفت في ملكه ملايين وقصور

العمر يمضي بين حلوه ومـــــــره
والموت حق وقابض الروح مأمور

دام الحياه الفانية مستقـــــــــــــره
ورزقك يجيك وبين الأجواد مستور

لاتنشغل بالوقت برده وحـــــــره
واحذر تصير بقسمة الناس مقهور

وحكم القدر لاجاك خيره وشــــره
أشكر عظيم الشان والذنب مغفور

والمجلس اللي يزعجك لا تمــــــره
خله تراك بشوفته منت مجبــــــور

والرجل سقها في صحاصيح بـــره
ومد النظر مابين ريضان وزهـــور

لا صار وجه القاع ما فيه جـــــره
والمشي حافي والثرى توممطـــور

ساعات صمتٍ ما وراها مضــــــره
تسوى الكلام اللي به إذنوب وإشرور

أطلق خيالك وأترك النفس حــــــــره
وخل الطبيعه في حياتك لهـــــــا دور

وبالليل لا بانت نجوم المجّــــــــــره
أذكر بديع الخلق بـِ إحـساس وشعور

واسجد لرب الكُون مره ومــــــــره
وإحفظ لسانك وأترك الكذب والزور

وفروض ربك خلها مستمـــــــــــره
وطاعتك لا يدخل بها نقص وقصور