طريقة عمل وردة بالشعر ...

تسريحه حلوة وبسيطه للشعر بس اللي مشكلتها زيي ما تعرف تظفر الله يعينها تتعلم الظفيره أول بعدين تجي تطبق نبدأ بشكلها النهائي عشان نحمسكم كيف حلوة والا ؟! اذا عجبتكم يلآ نشوف الخطوات كيف :tooth: أول شي نقسم الشعر مضبوط يعني نطلع القصه وبعدين نقسم من بعدها خصله زي اللي تشوفوها << الله يعينكم على شرحي نأخذ من فوق خصله صغيره و نبدأ نقسم الشعر اللي طلعناه 3 أجزاء عشان الظفيره ونبدأ نظفر نسوي أول وحده وبعدين نرجع ناخذ بيدنا من الشعر الباقي تحت الطبقة الاولى عشان تجي الظفيره من الجذور وزي كذا لين نخلص الخصله اللي طلعناها كلها << يارب واضح قصدي هنا صورة توضح قصدي أكثر وضح المقصد صح ؟! ووضح اني ما اعرف أشرح هع هنا نكمل الظفيره لآخر الشعر ونخلي منه شوي قد 1 سم ونص أو أكثر شوي ونحط المطاط الصغير مرررة تجي منها ملونه ويجي منها أسود وابيض نلف الشعر اللي باقي ما ظفرنا بأخر الخصله [ اللي قلنا خليه طوله 1 سم ونص ] نبدأ نلف الخصله من تحت بشكل دائري عشان تتكون الورده عندنا .... بعد ما نخلصها نثبتها ببنسه صغيره وندخلها من أسفل الشعر عشان ما تجي واضحه وبعدين إفتحي شعرك وخليه مستشور أو سويه كيرلي أو اللي يعجبك وهاي بتكون مزينته مع الجنب قبل لا أمشي لا تنسون التقييم :tooth: اللي ما يقيم بزعل منه هع << من جد خلوكم كرماء وقيموني أخليكم بحفظ الله ،،: