قصيدة في أمي

أمّـي عســى ربي يكثّر سعدها
اللي لها بالقلب حـبٍ ومقــدار

حبّي لها بالجــوف لاني ولـدها
أدعي لهـا ربي في سرّ واجـهـار

إنك تعافيـها وتخـلف جهــدها
تسهر علينا كلنا صـغار وكــبار

في برها واجب على من شهــدها
واللي يبي يعصـاك يستاهـل النــار

إن جيت للطيبة فهي تحـت يدهـا
ولها مع الحـكمة قوانيــن وأسـرار

يفداه كل اللي سكن في بلـدهـا
ويفدى مواطـيها طويليـن الأشبـار