في عز صيامي لووول

طيب .. أذكر قبل كم يوم..
إني كنت خارج البيت ومارجعت إلا بعد الظهر في عز صيامي.. :marsa117:
يعني بصرآحـه كنت صايم مرره .. صوووم مايوصف..حسيت إن الجوع داخل في بطني..:brows:

في ذا اليووم ..
أذكر كانوا أطفالي حاجزين مكان في صالة بيتنا وكانوا تقريبا ثلاثه( يزودون ينقصون واحد والله مدري)..
وبعد أذكر إن أمهم سوت لهم كبسه وسطها دجاجه محمره..يهبل مظهرها (الهاء تعوود على الأم) الضمائر علمها عند الله ..:---:
ومريت من وسط الصاله وكان فيها طاوله عشره في عشره.. وثمان كراسي ( في الواقع مافيه لاطاوله ولا كراسي) ..
بس هذي مبالغه يعرفونها أهل البلاغه والفصاحه..
كقولهم الراكد كالقمر..وأنا ماشبه القمر .أطلع أشبه الأسد وكلكم تعرفوون ذا الشي...(فهمتوا)oo9o:

نرجع لصاله والشي الذي يلفت النظر هي المناظر الخلابه ووجود نافوره كبيره ..أكذب عليكم (بس ودي أشوف أنتم مركزين أو مانتم مركزين)

صراحه وقفت بالصاله بغصب عني ..قمت أناظر يم أشبالي طبعا ذولي مو أي أشبال (أشبال الراكد) ..:evil_4:
صرت أتفرج عليهم وهم مجتمعين يفترسون الدجاجه ..(ماعندهم لعب)
إلا وأشوف بنتي عمرها سبع سنوات مستانسه ماصعه رجل الدجاجه وتعرش فيها وهي تناظرني تقل تبي تقهرني إني صايم ..
هي من النوعيه اللي تحب تقهر الواحد خصوصا إذا كان الواحد يتفرج عليها..
وقلت ودي أشوف إلى أي مدى وصلت عندها الحاله
هي من شافتني أراقبها مدت يدها على صدر الدجاجه وصارت تقطع على خفيف وتناظرني وتهز بيدها الثانيه رجل الدجاجه ..
سويت نفسي ولا همني وقعدت أحك راسي حسيت إنها دوختني بذي الحركه..:001555:
سويت نفسي أطالع لسقف قامت هي تسمعني مممممممممم إنها لذيذه ...
عاد مدري هي عزمتني أو الجوع يكذب عليها.. :biggrin23:

وبطرف الصحن من جهتة الشرقيه أشوف ولدي عمره ست سنوات أحسه متوحش فاتح بطن الدجاجه وقاسمها نصفين وبعد يناظرني ويبتسم ..
سوى حركه مجنووونه أخذ القمه بيده وصلح منها كوره وبسرعه لقمها ..
ماشاء الله عليه يعني ماشفت يده يوم رفعها..
صراحه الولد مسيطر مره على وسط الصحن ..
يعني اللي بجنبه ماياكل معه عيش.. :soccer:

عاد إني أشفقت على بنتي الثانيه وعمرها سنتين ماغير تخبص بالزبادي تلحس بيد
وتخبص على شعرها بيد واللي تنثره أكثر من اللي تاكله...
وهي تصوت لي تبيني اكل معها وبنفس الوقت ماتدري إني صايم .. عاد ماجيتها مسوي ثقل عليها ..بس هي قامت وجتني ..
صراحه راعية واجب وماقصرت كل شي كان في طريقها أخذ له تلطيخه من الزبادي
المجلس على الفرش على شعور خوانها حتى ثوبي أخذ له تلطيخه على الطاير
وهي تقل مغموس شعرها في الزبادي وبقايا الرز عالق بوجهها ..:evil_4:

قلت
في نفسي وش ذا التلطيييخ ..
وين أمهم عنهم لو كانت عندهم ماصار شي ..بس هي في كوكب والبزران في كوكب اخر .. :biggrin23:
مدري حسيتني صرت مفهي يعني ماني عارف أصوم.. ولا اكل.. ولا أشوف تصرفات أطفالي الغير مسؤوله .. :Swaffff:

طيب ليش أنا ماتركتهم ورحت لغرفة النوم وريحت نفسي منهم ... :14:
طول عمرهم يسوون كذا ومالقيت لهم أي بال..:icon9:

بعد تركيز وبعد تركيز التركيز مع نفسي :gap:
عرفت السبب قلت أيه أثاري الدجاجه شاغلتني عنهم وأنا أفترسها قدامهم. .oo9o:

حسيت إني بغيت التفت يمهم عشان أزأر كالأسد..:devil:
لكن إكتفيت بهز راسي وتركتهم مغتاظا ...:dn3:
وقلت الوعد على الفطووور...:29:
و صيام كريم...

يتبع... ( يعني أوريكم بعدين وش صار على الفطور....):Swaffff:

بقلم
الراكد وأولاده :rofl1: