قصة معاناتي....

قساة الكون في عيني وقلبي ما إهتنى وما إلتم
قسى هالوقت .. . يا قلبي وضيَّع كل راحاتي

جروحي فوق طاقاتي بكيت وفي عيوني دم..
رضيت آنا على القسوه وضاعت كل بسماتي

تعبتْ وما صِدَقْ حَظي وفوق الهم أشيـل الهم
صغيّر في العمر آنا ... وكبيره حيـل مأساتي

محدْ يـدري عن أخباري محد في دنيتي مهتم
وحيدْ أمشـي مع همِّي وكبيرْ الحزْن في ذاتي

سِمَعْ قلبي عَنْ الراحَه مع إنْها مِنْ الوهم أوهم
أعيشْ آنا بوسط واقعْ { نهاياتي في بداياتي }

يـاليت تفيدني الحسره ياليت أرتاح لـو أندم
صعبْ أرتـاح في الدنيا حزينْ بكلْ حـالاتي

سفينه مِنْ الصعب ترسى وهي مِنْ الموجْ تتحطم
أشوف ..البحر.. في عيني , لقيت الموجْ دمعاتي

كثـير قلوب غرقانه وهي منْ الوقتْ ما تسلم
بحر هـ الوقت هَـمْ يغدر , وهذا معنى كلماتي

يا قلبي الطِيبْ مـا ينْفَعْ عشاني ركِّـزْ وإفهم
أنا ملِّـيتْ أعلِّم فِيكْ .. . وإنتَ تزيدْ آهـاتي

أمانه كان لِي خـاطر مِنْ اللِّي صار تتعـلم
ويا قلبي إتـرك الطيبه , بعـد قصة مُعاناتي

فووووووووووز