روائع ودرر ذهبيه..بقلم /محمد بن فطيس..

كلنا يعرف..
قامة الشعر محمد بن فطيس..
ومايمتلك من ابداعات وقوافي جميله ..
هذي بعض من ماجاد به بن فطيس الشاعر الفذ..
اترككم معها...
************************************************** ************************
غآسل كفي من مصافحة بعض اليدين ..... وقافل بوجيه اهلها صناديق البريد
أشهد اني للبلاوي على الدنيا مدين ..... كل ماراجعت نفسي طلعت المستفيد
المواقف تشخل الناس والطيب يبين ..... كل عام يطيح تسعه ويصفى لي وحيد
________________________
بعض العرب حبه يوردك الجنون .... ولا يوصف غلاك حكاك له
مايقتعه وصف لو وش يكون ...... لو كل حرف بالحرير يحاك له
الموت جاك وهو تقلبه الظنون .... ولا لك الا الصبر وش وداك له
ان قلت ضايق قال:هونها تهون ... مايدري ان ضيقتك له وبكاك له
تقعد تحبه وانت ساكت ومغبون ... يمكن بيوم يقال له ما اوفاك له
وكانك مشكك هو يمون او مايمون ... تخيل ان عفت الصبر فرقاك له
غلاه من فوق الغلا ماهو بدون ..... وحكاه سمعك يجبرك بارخاك له
ودك تحطه فالعيون من العيون ..... وتبسط على رمضى الثرا يمناك له
وتظله من الشمس في ظل الجفون ... ولا يمر اذنه سوا لباك له
وتسج من غيره لو انهم يذكرون ..... ومنين ماسقت القدم ممشاك له
كيك وعسل لكن ماهو في صحون ... بدعاك من عين الحسود غطاك له
الله لايعطيه ناسن ينظرون ... ويستر عليه من النحل لا ياكله
ــــــــــــــــــــــــــــــــــــــــــــــــــ ــــ
سولفوا تكفون لاعاد تسكتون .... قبل لا اهوجس وياتيني بلاي
السكات يزود طعوني طعون ... وتنكسر لا جاء على راسي عصاي
سولفو لو مابغيتو تسولفون .... قبل لا قعد في الحزن رايح وجاي
واضحكوا لو بالعماله تضحكون ... وجاملوني لو يضايقكم حكاي
لي وليف راح جعله مايهون ... هو دواي وداي أو داي ودواي
راح لكن طيف زوله في العيون.. مره قدامي ومره وراي
مكسب عيوني من الفرقا مزون ... تمطر لطاريه والبرق اصدقاي
كل ماطروه لوهم يمزحون ... حرموني من غداي ومن عشاي
________________________
لاضاقت الدنيا عليك وتشاويت ... خلق الله اللي فالرخا كان واجد
ومن العرب والصوت مليت ... وقامت عليك هموم بقعا تراجد
فارفع يديك لخالقك لا توضيت .. وادعوا تراك اقرب لياصرت ساجد
ووقت من اوقاتك للاوقات توقيت ... وسجل لنفسك فالمساجد تواجد
وابشر بفزعة حامي الدين والبيت ... اليا هجدك من الهواجيس هاجد
اللي يميت الحي ثم يحيي الميت .. لرضاه شف كثر البشر بالمساجد
ــــــــــــــــــــــــــــــــــــــــــــــــــ ــــــ
البارحه ربي كتب لي ومريت .... درب عليه بروق الاحباب لاحت
جيت المكان اللي جمعنا وخفيت ... وقامت جروحي للجوارح وصاحت
ياليتني في لفة الدرب زليت .... كان العيون من الدموع استراحت
التم غيم الدمع من يوم لفيت ... وورقا القصيد لشوفة الغيم ناحت
حارت دموعي في عيوني وصديت ... وارمشت مابيها تبين وطاحت
وعقبه برق في العين براق واسقيت ... خدي ووناتي بصدري تلاحت
وانا احسب اني في فراقه تشافيت .... وان عبرتي من مدخل الزاد زاحت
اللي يحسب اني على البعد سجيت ... ولا ان عيوني للرقاد استباحت
ياليتني من قبل لاجيت اقفيت .... ولا دروبي عن دروبه تناحت
عرفت كيف الحي يفرق عن الميت ... وعرفت قيمة نعمتي يوم راحت
البعد نار وطاعة العذل كبريت .... يقصر على بعده ترى الكبد فاحت
________________________
في كفها خاتم وفي خدها خال ... وفي عينها غيم وعمارات وبيوت
الخال شفته واضح من ورى الشال .... والخاتم الماس مرصع بياقوت
والعمر في العشرين كاني مانيب زال ...... والجسم كنه من جبل ثلج منحوت
ــــــــــــــــــــــــــــــــــــــــــــــــــ ـــــ
يامؤمن الريفي انا جيتك زبون .... جيتك على مدح اكثر الناس وعنيت
جيت وتعالى الله عما يشركون .... لولاه يامؤمن لطبك ماهتديت
راضي بحكم الله على مهما يكون ....... عالج عيوني لو بعد طبك عميت
ودي اخاشر فالبصر من يبصرون ..... واشوف دربي لا سرحت ولا ضويت
واليا قنصت اثبت مع اللي يثبتون ..... واشوف طيري كل مااوميت ودعيت
ياكثر مايضرب خويي الطبلون ... من كثر ماكلت مطبات و كليت
ودي اشوف اللي علي يعرضون ..... وبعض الليالي ودي اسري دون ليت
واشوف ناس فالقفا مايرحمون ...... اما وقفت لصاحبي ولا مشيت
من دون نظاره ولاهم يحزنون ...... ياكثر ماكسرت كشمات وشريت
لكن يادكتور جعلك ماتهون ..... ابغيك كلمة راس دامك بديت
اسمع ولا ابغي اللي وزانك يسمعون .... ربي كتب يكشف لك اسراري وجيت
صورة عديل الروح عندك فالعيون .... واخاف تقطعها بموسك ماوعيت
ولا عليك امر اطوها تحت الجفون ...... وعقبه لو تقطع عيوني ماشكيت
ياقو قلبي يوم قفن الظعون ..... اللي على ذاك الموادع مابكيت
______________________
الضيقه اللي تجي بتالي عصير ...... وش حيلتي واردها لاتجيني
لا طال ظل العود حزة عشى الطير ..... كنها على سجن الحديد تحديني
يضيق صدري كل ماجات واسير ..... ولا يخفف سوج رجلي حنيني
لا حولنا مشراف ولا اقدر اطير ..... يالله قسمة خير لا تبتليني
وعقارب الساعه توقف عن السير ..... ولكن في الدوحه سواني حزيني
والعبره اللي تاصل الحلق وتحير...... ياقربها لوقيل لي ياعويني
أمل شوف الناس ورد ومصادير ..... واللي يقول اشفيك كنه يهجيني
يعني على ماقيل من باب تصوير ....... لا حد ابي قربه ولحدن يبيني ـــــــــــــــــــــــــــــــــ
*******************************
وصح لسانك يابن فطيس وابيات من ذهب ...

يعطيك العافيه علي الدرر الجميله