نصيحة بماجادت به القريحة ...

السلام عليكم يالعزوة


اعتذر عن طووول الغياااااااب

وارجو ان اكون ممن طول الغيبااات وجاب الغنايم


واعذرونا على القصووووور

يابو ندا طرايفي جات كلها =طرايف ٍ من غيم فكري اهلّها
اهديتها لك يوم هاضة قريحتي =طرايف ٍبابو ندا ما تملّها
شاعر واجيد العوم في غبت البحر = وايضا بحور ٍغير هذه ادلّها
ماشي يعسرني ولا شي كادني = اعقد وعقدات القوافي احلّها
باوصي ومثلك ما تعوزه وصيتي=وانا ادري انك دوم ماشي بظلّها
لكنّ ذكرى والتذاكر من الوفا=واجزم بأنك يافتى من فطن لها
اول وصية شد حبلك مع الولي =خمس الفروض بكل الاوقات صلّها
وابوك وامك لاتقصر بحقهم=اوف الحقوق اللي لهم لا تخلّها
وثاني وصية من تردى من البشر =ياصاحبي خل الامور بمحلّها
لا تعاملة بالمثل لا لا تعامله =اطف الرديه بالوفا لا تبلّها
وثالث وصية واستمع لي يابو ندا=كل البلاوي كل ابوها من اللّها
لا تسمع لهرج ٍ وثمن تصدقه =إلا توّكد يوم تاتي وسلّها
ورابع وصية خذ على قد حاجتك =واللي تزايد حاذر انك تغلّها
واللي خذا يدّي على زود ماخذا =اهل الصخى تجز المواعز ببلّها
وخامس وصية ردة الفعل الاوّله =حاول تكون بصمت بالك تزلّها
ترى الغضب عواقبه دوم محزنه=والحلم طب ٍ للنوازل وحلهّا
وسادس وصية غض عينك عن النسا = وقل للعيون اللي تبا الزين قلّها
كثر المطالع بالنسا يمرض الرجل=الا على اللي رب الارباب حلّها
هذه وصايا صغتها في قصيدتي=وياسعد من هو يارفيقي وصل لها
هذا وصلى الله على محمد النبي =عد الفياض اللي رجا الغيم علّها

صح لسااااااااااااااااااان ملاااااااااااااااااااااااااايين
عدد بلا مدد
ما يحتاج شاعر وكفو
تقبل مروري

صح لسانك شاعر مبدع

صح لسانك


دمت بخير

صح لسانك وعساك على القوة

صح اللسانك ياللميع
وموجديد عليك الابداع
ودام لنا هذا التميز

نصائح في قمة الروعه والاهميه
لاعدمنا ابداعك ياجمال اللميع
وصح لسانك



ارق التحااااااايا

نصائح قيمة وبارك الله فيك اخي جمال
نعم غبت عنا ولكنك أتيتنا بالجزل.

رائع بجميع حُله يسلكها شعرك
وجعلنا الله من متبعين هذه النصائح
ننتظر كل ابداع تخطه اناملك
ولا تحرمنا جديدك

لا عدمناك ..!!

هلا وغلا بكَ أخوي جمال اللميع ..

صح لسانك مليون وما يوفون ..

قصيده رائعه وفيها معاناً رائعه .. وهذا ليس بغريب عليك أخوي جمال ..

لا فض فوك ..

خالص الود .. وبأنتظار القادم ..