النصايب

السلام عليكم ورحمة الله وبركاته

هذي القصيدة للشاعر /متعب التركي أعجبتني وحبيت أنقلها لكم

يانفس هدي لاتزيديـن الاوجـاع
كافي من الدنيا نشـوف العجايـب
ماني على من صد ضايق ومرتاع
لاهو مـن الغاليـن والا القرايـب
لاصارمابينـي ولابينـه نــزاع
ولاجيتـه بزلـه ولا علـم خايـب
حق الرفيق اني نهيتـه ولا طـاع
والراي مابه فرض والا غصايـب
يومه غدى بينت له كل الاوضـاع
ماقلت اخلي سايب الوضع سايـب
ناديت له لكـن تجاهلنـي وضـاع
صد وعلى عمياه سـاق الركايـب
اقفاعلـى رايـه ولافيـه مرجـاع
مثل السحاب اللـي قفتـه الهبايـب
للعلم بين الناس مدخـل ومطـلاع
واللي يجّود حامض العلـم صايـب
من ينطح المويه ولاعنـده شـراع
ان عاش يرجع من هك الموج هايب
والعاقل اللي لاخطا يرجـع بسـاع
يسترجع ولاياخـذ الـراي عايـب
واللي يصير لرغبة النفس مطـواع
لابـد مايلقـا العنـا والمصايـب
والناس مختلفه لها اشكال واطبـاع
بعض المعارف عرفهم لك نشايـب
بالناس من يلبس على وجهه قنـاع
حسود لكـن فـي ثيـاب الحبايـب
هذاك ماني فـي مخـاواه طمـاع
من قبل اجيه وخاطري منه طايـب
والا الرجال اللي لهم بالوفـا بـاع
وقفاتهم تبري الجـروح العطايـب
واللي لفاك بحـزة الضيـق فـزاع
مادار وجهه عن سمـوم ولهايـب
ماصد يوم انك من الوقـت ملتـاع
ماغاب يوم ان اكثرالنـاس غايـب
هذاك تشرى خوتـه كيـف تنبـاع
هذاك من شانه تهـون الصعايـب
قلته وانا مالي ورى هرجي اطماع
على افراقـه لاتصيـر السبايـب
اسمع مادام الصوت ياصل للاسماع
ان تبت ولا ياعسـى منـت تايـب
مادامها صارت حـزازات واتبـاع
مالي ومـال مدوريـن الطلايـب
واعرف تراها لو شكت ثقلك القاع
مصيرها تركز عليـك النصايـب

واللي يصير لرغبة النفس مطـواع
لابـد مايلقـا العنـا والمصايـب


شاعر كبير و متصفح رائع
سلمت اناملك اخي الفاضل : محمد زعل
على الاختيارات المميزة
لِ سموك التقدير

محمد زعل

بارك لله فيك على النقل المميز

كلمات جدا رائعه لشاعر كبير

تقبل مروري

عززف