~~قـلــــوب الـبـشـــر~~

على كثر اللذي حولي أحس بوحدتي دايم





وأجامل بعض خلاني لجل ماودي أخسرها




وأنا مادري هل أن قلبي عن شتات الغلا صايم






أو أن الناس بالدنيا بدت ترخص مشاعرها






أشوف أن دايم الطيب بكذبات البشر هايم






وياما قلوب بالدنيا بياض الود يغمرها






وهذا العمر به بايع وبه شاري وبه سايم






بشر أحدن يقدرها وبشر محدن يقدرها





أحد من قدره وطيبه على بحر الفخر عايم






وأحد بلجته ضايع وهقواته يسامرها






تعلمنا خطايانا دروسن حظها قايم






فطين الفكر غلطاته يحاول مايكررها






أراجع كل خطواتي وأحسب كلمة الايم






وأحضر له أجباتي قبل ماهو يباشرها






تحيرني البشر حولي برخص أحساسهم دايم






أظن الناس بالدنيا بدت ترخص مشاعرها










بقلمي

ماستر الثوارين

شاااعر ياااماستر..
والله شاعر...عن جد جميييل
تقبل مروري واحترامي لك

صح لسانك يالذيب ,,,لاهنت

صح لساااااانك يالماستر

كل الشكر لك اخووووي

وانتظر جديدك

تقبل مروري

المشاركة الأصلية كتبت بواسطة كرستـآلة آلشـمآل

شاااعر ياااماستر..
والله شاعر...عن جد جميييل
تقبل مروري واحترامي لك

يسلموو أختي كرستاله على هذا الاطراء الجميل لاهنتي يالغلا دمتي بود

المشاركة الأصلية كتبت بواسطة جزاء جبار السلطاني

صح لسانك يالذيب ,,,لاهنت

صح بدنك أبونايف وعوده حميده انشاء الله لاهنت يالغالي

المشاركة الأصلية كتبت بواسطة فوز

صح لساااااانك يالماستر

كل الشكر لك اخووووي

وانتظر جديدك

تقبل مروري

صح بدنك أختي فووز شاكر لك مرورك العطر دمتي بود