لاتتهمنـــي بالغلــط وإنت غلطـــان....

لاتتهمنـــي بالغلــط وإنت غلطـــان

لا تتهمني بالغلـط وانـت غلطـان
............لاتخفي أخطاءك وتظهـر خطايـه

تخطي وتهجرني وأجازيك بإحسـان
...............تبعـد وتتركنـي وأخفـي عنـايـه

صعب التلاعب في أحاسيس الإنسان
.........حكم ضميرك واحتـرص بالبداااايـه

ماتدري اني من سبايبـك مرضـان
............وأنت الذي بالخلـق يملـك دوايـه

داو الجروح اللي لها عـدة أزمـان
.............خفف مـن ألامـي وقـدر عطايـه

حاصرت قلبـك بالمحبـه ولا لان
.............قاسـي وغلطـه تعتبرهـا جنايـه

لا تستمع هرج مـن فـلان وفـلان
........لا تعرض أسماعك لهرج الوشايـه

لا تفرط بحبي ولو كـان مـا كـان
.............أوفـي بعهـدك كـان ودك وفايـه

يرضيك أعيش بزهرة العمر بأحزان
..........وأنت ليه مافكرت تكسـب رضايـه

ماتدري إنك بآخر الوقت خسـران
...........واللي تسويـه هـو بدايـة النهايـه

ماني من اللي يقبـل اليـوم ينهـان
.............حتى لـو انـك مطلبـي أو منايـه

ماتدري إنك بآخر الوقت خسـران
...........واللي تسويـه هـو بدايـة النهايـه

ماني من اللي يقبـل اليـوم ينهـان
.............حتى لـو انـك مطلبـي أو منايـه


لله عليك يا الشرقيه

قمة الابداع والجمال ماخطه قلمك المميز

شئ جميل بعد هذا الغياب ان ينزف قلمك بهذا الروعه لاهنتي

وبشوق لجديدك

تقبلي مروري وخالص وودي وتقديري لسموك


عــــــزف