شبح العنوسه...! للنقاش

موضوعك شيق ويستحق العوده

والله لو بغيت الصيحيح ماراح تلقى طرف معين تقدر أن تضع اللوم عليه .البنت اذا صارت ترفض من يتقدم لها بحجه او بدون حجه ستجد نفسها في الاخير عانس بسب ابتعاد الرجال عنها لكثرة رفضها لهم .
الأب اذا كان يرفض من يتقدمون لأبنته بسبب المال .سواء الراتب أو المهر
المجتمع غالبن يرفض الأمرأه الموظفه بوظائف صحيه أو مختلطه.
النسب له دور في ذلك,
الرجل يريد زوجه بصفات هيفاء وباسكال .ونسائنا الله يكرمهن عنهن.
الاسباب الخماسيه التي كتبتها هي السبب(من وجهة نظري) ولكن في النهايه لن تجد سبب مقنع للعنوسه وسوف نرجع الى

القســــــــــــــــــــــــــــــــــــــــــــــ مه والنصيب أخي سهران
كما اتمنى للنساء عدم الالتفات لكل مايكتب في الصحف والمجلات والمنتديات والأتكال الى الله الذي اعطى كل ذي حق حقه ولم يترك احد الا وجائه رزقه .

يا هلا و يا مرحبا بكحيلان

يا الراكد تكفى...شوي شوي علي...كلامك هذا خطير...تبيني أتزوج أربع حريم مره وحده...حرام عليك

تكفى....لا تشيشني...تراني على طريف....وأخاف أسويها وأبتلش بعدين...!

تخيل أربع حريم ...! وكل وحده فيهم تتصل على جوالي..! اللي تبي حليب حق الجهال واللي ولدها مصخن ويبي الطبيب

واللي تبي السوق...واللي تبي تزور أهلها...واللي ماأدري شنو قصتها ....!

والله لهج وأروح لجزر القمر.....وأقعد هناك بروحي...!

أول أنت جرب وشوف شنو اللي يصير معاك...! وبعدين علمني اذا الأمور أوكيه ولا لا...!

وهذي السالفه يبيلها واحد يا فاجر...ولا قادر...!

وأنا يا الراكد مو فاجر....وتدري فيني قلبي أرهيف...( مثل قلب العصفور ) وبسرعه ينقص علي..!

والثانيه قادر...وأنا يا الراكد مو قادر.....على الله وعلى الراتب...!

وحنا الحين لازم نفكر ونشوف للمشكله هذي حل..؟

وأبيك تمر علينا كل يوم هنيا...وتقترح علينا وشنسوي..!

فمان الله

الحلول معروفه وماله داعي نضحك على نفوسنا أكثر من اللازم
قال تعالى ﴿‏ذلك بأن الله لم يك مغيرًا نعمة أنعمها على قوم حتى يغيروا ما بأنفسهم)
العقلاء يجتهدون والجهلاء يسدون الأبواب
الزواج مفوض الى الله في كتابه وسنة نبيه
وإذا ترك لأهوائنا فسوف نزيغ عن الحق

الحلووول
1-تقليل المهووور
2-الزواج من أربع نساء

3- تغيير أنفسنا وذلك بتقبل هذه الحلول

أصبحت المشكله ليست في العنوسه وحلولها رقم واحد وثنين
بل مشكلتنا في رقم ثلاثه كيف نغير أنفسنا ونتقبل رقم واحد ورقم إثنين

فالنساااء أعدادهن أصبحت تفووق الرجال بمراااحل
وغيركذا مضيعه للوقت وومماطله من شياطين الإنس
والسلااام عليكم

أخوي الطير النداوي شكرا على تفاعلك معنا....وهذا الموضوع للنقاش...وتشرفنا في أي وقت...!

والله أني أعلم أن كل شي قسمه ونصيب...!

والهدف من طرح هذا الموضوع هو....التعبير عن أرائكم...!

هناك بعض الأسباب تستحق النقاش للفائده....لكي تتفتح بعض العقول المتحجره

وهذا الموضوع....هو رساله...غير مباشره....للرجال والنساء.....لكي نتجنب بعض أخطائنا..!

تحدثت أخوي عن عدم قبول الشباب للمرأه الممرضه أو التي تعمل في وظيفه مختلطه....!

وأنا عن رأي الشخصي ...أنا ضد الإختلاط ولكن .....اذا كانت هذه المرأه في حاجة لهذه الوظيفه ولايوجد غيرها...وهي محتشمه وساتره نفسها فلا بأس في ذلك..!

أخي الكريم....المرأه الشريفه العفيفه ...ما ينخاف عليها....والمرأه التعبانه لو يتسكر عليها سبع أبواب ما كو فايده...!

الله يستر علينا وعليهم...!

وبالنسبه للجمال ... مثل ما تطرقت...المرأه جمالها في أخلاقها وحياها....والحين المكياج لاعب دور كبير عن الحريم...وغير عمليات التجميل..!

شكرا أخوي الطير النداوي لإضافتك للموضوع وتقبل تحياتي

أخوي الراكد أنت حصرت المشكله في ثلاث أسباب ...!

وهناك أسباب كثيره في وجهة نظري...!

ونبي ناقش الأسباب التي ذكرت ...!

لو أفترضنا أن تغيرت نظرة المجتمع في التعدد وصار شي مقبول وعادي ...!

وصارت المهور شي بسيط ورمزي...!

وكل واحد تزوج أربع ...!

والسؤال الذي يطرح نفسه..؟؟؟

هل يستطيع الرجل أن يصرف على أربع زوجات ..؟؟؟ ويؤمن لهم حياة كريمه...؟؟؟

وهل يقدر أن يتحمل الجانب النفسي والضغوط...؟؟؟


أنا أرى أن الماده ( القروش ) لها دور كبير...لمن أراد التعدد...!

فهي ستحل جزء كبير من المشاكل التي ستواجه الرجل في التعدد...!

سبيل المثال لا الحصر..! يستطيع الرجل أن يستقدم سواق لكي يعينه على طلبات البيت....ويقدر يأمن بيت كبير لعائله كبيره...ويضمن للأطفال التعليم وتلبيت إحتياجاتهم...الخ

فالكلام سهل والواقع شي أخر...!

وأنا ليس ضد التعدد ولكن لمن أستطاع....والموضوع ليس تعدد فقط....ولكن هناك عزوف من بعض الشباب وشروط تعجيزيه من بعض النساء...وهناك بعض الأخطاء من الطرفين...وهنا نود أن نشير لها...!

وتقبل مني كل الشكر والإحترام

اشكرك على هالموضوع النافع وعندي سؤال محيرني ليش الرجال يمشون ورى شور الحريم بالخطبه
يعني لازم تكون معاشره هلي تبي تخطبها هي ولا احد خوات العريس حتى الخطبه صارت منافق
طيب فيه بنات مايطلعن ولايختلطن باحد ولايروحن للعروس كثير وهذا من حسن التربيه وش ذنبهن
محد يفكر بهن وليش كثرزواج السلاطين من برا وش فيهن بناتهم ليش الواحد مايفكر شوي ويصير
فيه خير لأهله وليش تسمعون كلام الحريم وتخطبون على هواهن الي عنده بنت عم يتركها
ولي له بناتخي يتعداهن ويدربي راسه ورى الحريم معليش كلنا اخوان بس مهما كان حنى اولى ببعض
واسفه للأطاله لاكن شدني الموضوع وحبيت اشارك في رائيي :Islam_s_148:

تبيني أصاااارخ وأناااقز وينكم يالعوانس.. الراااكد هنيا..:crazy:
أستغرب ليه مايجن أو يمكن مربطات بحبال
يعني تبغاني أروح يمهن وأتفنن بفك رباطهن:irvine:
يمكن يلحقوني أهاليهن ياما أطيح على وجهي
وذا مسكوني:4_1_72:
وش أرقع لهم وش أقول..
وش صار بالمهر
وليه الشباب مايجونكم
وليه التعقيد
وليه ,,وليهات كثيره ماتخلص..

أخوي سهرااااان
من وين تبي أجيب حلول
ياويري منك لاتعصب:s53:
واللي تبغاه أسويه (تبغاني أصوت تبغاني أعض لك القاااع):wavetowel2:
بس فكني من العنوانس واللي يرحم والديك يعني مو لازم تغصبني وأجيب لك حل :bangin:
ياويلي وبلاااه قسما مالهن عندي حل :blb7:

إحتار من أجلهن العلماء والمفكرين موبس أنا:s77:
وأجمعوا كلبوهم وقالوا
العوانس مافيهن حيله :surprise:

فكره عااااجله
ليه مانرفع الموضوع لحقوق الإنسان
ونكبر السالفه ونخليها شغله عالميه
لمحاربة فيروس العنس
ونقولهم صارت سوالف مأساويه
إي والله ياحقوق الإنسان والله يكفيكم الشر..
وبكذا حقوق الإنسان تحرك منظماتهم
ويجون عندنا ويحشرون العوانس في ميدان من أجل التحرير
ويمشطون الرجال ويخلونهم في طابور ومحد يطلع من طابوره
يعني نحطهم قدام الأمر الواقع وكل واحد ياخذله عنوسه
وبكذا قضينا على العوانس ..

يا مرحبا ويا هلا بأختي الكريمه مشاعر الشمال

أنا أسف أني تأخرت في الرد والمناقشه معاج ومعا الأخوان....أرجو أنكم تعذروني...وهذه الصفحه لكم

والله أسعدتيني في مشاركتج ورأيج...!

وأنتي تكلمتي عن شي...صح...وضربتي على الوتر الحساس....وأنا ألوم كل واحد يتزوج من بره...ويخلي بنات عمه وجماعته...!

واذا الواحد ما فيه خير لأهله وجماعته...........ما أبي أكمل...!

والرجال يا أخيتي مساكين يوم الواحد يفكر يتزوج.....تشوفين تنهال عليه العروض من أمه وخواته...وكل وحده فيهم( تقول الزين عندي )

تختار اللي تحبهاوتغليها...ويصورون له البنت قمه الأخلاق والجمال ( طبعا هم يبالغون ) ليش لأنهم يحبونها....وبعدين تشوفين البنت بعد الزواج

غير معا اللي إختارتها يا أمه أو خواته...أنا ما أقول الكل ولكن الغالبيه منهم.....والرجال ياأخيتي ما نقدر أنلومهم في هذا الشي لان الحريم هي اللي تختار...!

وحنا أنلوم الحريم اللي تدور حق عيالها من برا...!

والله ياأختي مشاعر الشمال كلامج صح 100% وتسلمين يالغاليه وكلامج هذا يدل على طيبج وأصلج وغيرتج على أهلج..!

ولك مني كل الشكر والإحترام يا الأصيله

حبيب قلبي الراكد

شكلك يضحك وأنت تفكر في هذا الموضوع...ومبتلش في حالك وش تسوي...بس أصبر شوي ...راح تكون أنت أول واحد نجرب فيه في هذا المشروع

وأنا الحين مشوش مخي ...وأحاول أجمع أفكاري ...وإنشاءالله نطلع في نتيجه..!


ومشكور على هذا التفاعل والحماس ولك إنشاءالله أربع حريم