أبو بســـــــام المجــــــــلاد ( والقصيدة الثانيــــــــة ) هكذا كانت تقول الحكايــة

وللسؤال جواب وللشعر منبر ومحراب هكذا كانت تقول الحكايه

	بَعَدْ هذا الغياب وبَعْد مَا قفّلـت بـاب السـور وعلى قَوْلِكْ نسيت ورَمِّدت عقب الْوَهَجْ نـاري رجعتي تسئليني وش حصل فـي سيـرة المذكـور غريبه وانتي اللـي مارَعَـت قـدره ومقـداري هذاك الحب مات وذاك قبـره جاوَرَتْـه اقبـور توفى عاضك اللّه لـه سنـه فـي ذمـة البـاري دفنته في غيابك من سنه يمكـن وخمـس شهـور وتقبّلت العزى به وانتهـى ماعـاد لـه طـاري وانا فارقت حبّك من كشفت الطابـق المستـور وتجلّت فـي عيونـي قصـة البيّـاع والشـاري انا وانتي نشابه سالفة مصـر ابْ(زمـن) كافـور وربّي ما رِضَتْ به لو ضحك لَهْ نيلهـا الجـاري نسيتي يوم جيتك من تباريـح الوجـع مذعـور بليلٍ كان موحـش والظـلام يبعثـر افكـاري تَحَت ثوبه سريت وجيت لك مدمن غلا مسحور معي زهرة مشاعر كانت اجمل واطهـر ازهـاري أبهديها لقلبـك والطريـق ان طـال بالمقهـور تِشَرّبْتِكْ سحابٍ تنطفـي بَـه جمـرة اسفـاري رسمتك في عيونـي سيـدة ذات ومـلاك الحـور ورقدتي في جفوني والوسـاده كومـة اشعـاري وصلت وقلت فارق يالتعب هذي بـلاد النـور أبسكن في ثراها واعـزف بعـودي ومزمـاري وقلت ارتح وريّح واسترح يالخاطـر المكسـور بدا درب السعاده وانتهـى بالحـزن مشـواري ولكنّي لقيتـك شاهـدٍ يلبـس ثيـاب الـزور جسد يغري وقلبٍ من ثيـاب العاطفـه عـاري لقيتـك صلف،قاسي،جاير،ومتغطرس،ومغـرور لقيتك شمس صيفٍ حرّها كم يبّـس اشجـاري لقيتك غضن ميّت ماعشـق تغريـدة العصفـور لقيتك قلب لاهي مانت عن صـدق الغـلا داري لقيتك ضيق صَدْر،وسكّة احزان،وضياع اشعـور وتعذّرت لفؤادي وَاعْرِفْ انّه يرفـض اعـذاري وعرفت انك سحابٍ ماسقى صدر الصحاري البور وعرفت اني فشلت وقلت هذي نكبـة اقـداري فمان الجرح روحي ما بقـى ضـيٍّ وَلاَ ديجـور خلصنا من بعضنا واقفت القمرا عـن السـاري فمان الجرح روحي مابقى لـك فـي حياتـي دور وكيف اقْبَلْك وانتي كذبة الكاتب على القـاري دخيل اللّه غيبي والزمان اللـي قسـى مشكـور تجمّل بـي ووضّـح قصـة البيّـاع والشـاري

الشاعـــــــر المبــــدع / أبو بســــــــــام المجـــــــــــــــلاد,,,,,,,,,,,