,. الشــــبة و التـــــعاليـــــــل .,

المشاركة الأصلية كتبت بواسطة أبـو نــواف

مساكم الله بالخير اجمعين

وشلونك ياانسان شلونك ابو بدر

بالنسبه للصور هذي بتركيا ( أوزنقل ) ياسلام على ذيك القعده براد وشاي تركي على كيفك

لازم تضبطلنا لوخضار صناعي بهالمشب ههههههه

هلاااا ابو نواف


ارضنا يا اخي تزرع برتقال يثمر بطاطس

تزرع ثيل يطلع شوك والا يقشونك البلديه خوف من احياء الارض

لاكن بوزع نظارات بعدسات خضراء وش رأيك تمام

والا هاك المكان بعيد علينا ولونه عندنا مايتركونه اهل الغنيم تلقاه كله شبوك

رمضان وايام زمان له حلاوته


واحلى مافيه الشبات والتجمعات

بغير كلفه بساطه وكان (الذكيره) اللي اختفت جامعتنا

بدوريات رمضان وكنا حنا والموتى نأكل سواء ليتها عدلت
ولا انهيت يعني النيه من ذكيره الى صدقه كنا نعرف
مواعين بعضنا من (الطعمه) مع قلت المواعين

والان اكثر واكبر شئ بالبيت المطبخ ومواعينه والجار مايشوف صحين شوربه واحد

الله يقلل الصحون علشان نرجع زي زمان الاربعه في صحن شوربه واحد

كان الطبخ قلييل والعطاء كثير

الان الطبخ كثير والاهداء قليل بل شبه معدوم لعدم التفرغ

طبخ من الصباح الى بعد المغرب وش نأكل قليل


مثل انا وناصر كنا نأكل تمره وقهوه وملعقتان شوربه والصلاه بعدها على منقل الجمر الشاي وااااااااااااااااااا

الله يابو بدر يذكر الايام السابقه (الساعه مادقت) هههههههههه

حياك ربى أبو نواف أقلط تقهوا فنجال وعلوم أرجال

وأنتم لا تطولون لأنى ماشى للرياض الفجر أن شاء الله والشبة عند الزير

هلابك ابو بدر

ماشين للرياض ياربي ييسر طريقك

أنسان

الله يذكر هك الأيام بخير كلها وناسة ( والساعة وهمتنا) صحانا أبو ناصر الله يطول بعمر الضحى عقب ماهدنتا الشمس ههههههههههه

هههههههههه
بتوزع نظارات

اخاف ماتلحق النظارات

والله اني مشتاق للجلسه معكم

بس فيه شغيله بروح اخلصها وارجع لكم


ماطول

السلام عليكم يالربع .
يابو بدر لوشبيت لنا داخل البيت عن الغبار , امتلت فناجيلنا من غبار القيصومة.
وبعدين يابو بدر حرام عليك من جينا وابو فهد واقف على روسنا ، الشبه باسمك والتعب على ابي فهد.

على طاري رمضان
عندنا بالمدينه الفطور بالحرم على رطب وماء زمزم
له روحانية عجيبة جداً
تجد التالف والتواد بين المسلمين هذا من المغرب وهذا من الشام وهذا من اسيا وهذا من أُوربا
لاتجد فوارق بينهم , ياسلام ، تتجسد معالم الاسلام الحقيقية في هذا ويتجسد معنى الجسد الواحد بين المسلمين .
سبحان الله , .
أكرمك الله يا ابا بدر وعذرني ما أقدر اتعشى لأني على عجل والرخصة الممنوحة لي قضت
ابو فهد
لاتعود المسيار على ابي بدر إذا صارت الشبه عنده تراه يمسك الدله.هههههههههه

الساعه مادقت ليه وش السبب

بعدالتعللوليه بالقيصومه وايام الخريف وفي الليل

اتفقت انا والاخ ناصر بالسفر الى عرعر

نمشي هالحين قال لليل والطرق خطره ننام والفجر نسافر


لا تكفى هالحين نمشي قال استشير الوالد

قال ابوناصر انتم مهبل الطرق فعلا كانت خربه وخطره وسايد واحد ضيق وتريلات

نامو بالسهله وحطو الساعه تقعدكم على صلات الفجر واجهمو


حط الفرش ابو بدر وجاب الساعه وابو ناصر نام داخل


قلت ناصر خلنا نمشي وحسبنا ابو ناصر انا مشينا الفجر

قال لا لا استطيع مخالفة الوالد ونام


ياليل ماطولك

سرقت الساعه واقفلت الجرس وقدمة التوقيت علشان تدق نصف الليل ووضعتها عندراسه ونسيت افتح الجرس

وتظاهرت بالنوم

لاكن ياللأسف اقعدنا ابو ناصر قوموا خوش مسافر الشمس ذبحتكم الساعه 9صباح

علمت ناصر بالمقلب اللي رجع على رأسي




وهذي سالفة الساعه مادقت وسلامتكم فنجال

ابلشني عامر ظاهر شاب الساعه 11

والجماعه اهل عرر عنده ابروح شوي واجي


يعني ابا اراقب الزير وين يبي يطلع هالوقت ايا مغضور


هلااا ابو فايز ابو ثامر شفتو والله كننا مجتمعين صحيح اعطيكم خيزران