ابكت من لم يبكي !!

بسم الله الرحمن الرحيم
------------------

اقرءوا معي ما كتبه هذا الشاب الذي في لحظة تهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذه... أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

-------------------------------
سامحونى قصيدة صعبة :bluefly:

منقوووووووووووووووووله

__________________

يعطيك العافية سلطانية من السلاطين الحقيقة القصه فيها عبره . ونسأل الله لك التوفيق ..

فداك القلب يايمه ومهما قلت من كلمات .... صغيره في كبر حقك بس اتمنى تعذريني...!
بارك الله فيك ..

ابو بنــــــــــــدر "

ود السلاطين "

اشكر لكم مروركم ؛لكم كل التقدير والاحترام ؛

كل مايقال في الأم

جميل وتذكار
كل التقدير والاحترام

كل الشكر لك اخـــي انسااان على مرورك وردك الاكثر من الرائع

شكرا للسلطانية والله يعطيك العافية ويبارك فيك

قصيدة جدا رائعة وجدا وافية

ننتظر المزيد من الدرر

كل التقدير والاحترام

جزاك الله خير

اخوي ابو جنيب وجزاك الله خير الجزاء ووفقك لكل مايحبه ويرضاه اسعدني مرورك ـ


اختي اميرة الورد اشكر مرورك وبوركتي اوخيه ـ

أتذكر اليد الرحيمة حينما =مُدّت لتمحوَ كل ما أشقانى
أتذكر الصدرالحنون يضمنى =بمودة0 ومحبةٍ0 دعوانى
أتذكر الأم العزيزة كيف لى =أنسى الحبيبة رمز كل حنان ؟
تعجز الكلمات والمفردات ،ان تحيط بفضل الام .
شكراً لك (سلطانية)