تبغي تضيق خاطري جعله فداك

بافارقك .. لو كان ما اختـرت فرقـاك.
..بافارقك .. وآنـا فرجـوى وصالـك

البعد لو به خير مـا كـان خـلاك ؟؟.
...تقطع مـن عيـون المحـب اتصالـك

ما اكثرك فالصده وفالوصل ما اشـواك.
...الكبر لله .. ( لا يغـرك جمالـك ) !!

خليتنـي للبعـد .. والبـعـد قـسّـاك..
..خلاك تنسى واحـد" قـد وفـا لـك ؟؟

سليت سيف الهجر ؟؟ كني من اعـداك.
....وذبحت شوق الروح شاللي جـرى لـك

العام مـا تصعـب الـى قلـت بلقـاك
.....واليوم من دون المواصيـل هالـك ؟؟

منت بردي .. حسبي على الوقت ردّاك
.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك

لو انك بترجـع كثـر مـا آتمنـاك ؟؟.
....ما كان ذا حالـي .. ولا ذا بحالـك ؟؟

كثر الجفا وآنـا أستغفـر الله اشـراك
....حبك كفر بي .. لعنبو من صفـا لـك

خذاك مني البعـد مـا عـاد بقـاك ؟؟
.....لكن علـى قـول المثـل مـش حالـك

تدري وش اللي يقتل الشـوق يـا ذاك
....لاني بولد عمـك ولا ولـد خالـك ؟؟

الشوق برد .. ودافـي الوصـل لقيـاك.
....وثلج الجفا خـرب طريـق اللقـا لـك

علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك


تبغي تضيق خاطري جعلـه فـداك ؟؟
.....مهوب انا اللـي يعاتبـك فـي حلالـك

طلبتني قلبي وانا قلـت لـك .. جـاك.
....والحين سو بخافقـي مـا بـدا لـك ؟؟




القصيدة .. فيها من الاحساس مايغرق الذائقة !
مشاعر وأحاسيس دافئة .. تحلق بناء حيث السماء الذي لا حدود له
هي كانت اشبه بالكلمات المبعثرة .. لله درك ياحمد البريدي
ابيات في غاية الروعة ..

..
حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك


الله يعطيك العافية../ اختيار أكثر من رائع
شكراً لك.. ولجمـال ذائقتك ..!!
تحياتي

تبغي تضيق خاطري جعلـه فـداك ؟؟
.....مهوب انا اللـي يعاتبـك فـي حلالـك

يااا سلااام على هالذائقة الراقيه سلمت انااملك يا كحيلان ولا هنت على هالنقل

تقبل مروري

المشاركة الأصلية كتبت بواسطة دنـدنـة الرحـيل

..
حاولت نسيانك .. وعييت لا انساك ؟؟.
....لا جيت ابنسى .. ذيب صدري عوى لك


الله يعطيك العافية../ اختيار أكثر من رائع
شكراً لك.. ولجمـال ذائقتك ..!!
تحياتي

دندنة الرحيل

ويعافيش ربي يافاضلة
ولا هنتي على تواجدش

/
.

بذمتي أعجبتني وهذا أنا أعترف لك
أين نحن عن إختياراتك إعترف لي

نقل جميل

بارك الله فيك

المشاركة الأصلية كتبت بواسطة الملثم السلطاني

بذمتي أعجبتني وهذا أنا أعترف لك
أين نحن عن إختياراتك إعترف لي

هلابك أكثر يالقرم

اخجلتني يالغلا ..

خالص مودتي ..

المشاركة الأصلية كتبت بواسطة al9l6any

يااا سلااام على هالذائقة الراقيه سلمت انااملك يا كحيلان ولا هنت على هالنقل

تقبل مروري

السلطاني

سنايدي ، هلابك اكثر يابليهان

خالص مودتي ،.،

عزالله ياشيخنا القصيده ماتلحان وماعمري سمعت مثلها ومدامك أنت ناقلها هنيا تراني أبي أسميها شيخة القصيد إيبالله*ياطويل
العمر وما شاء الله وين طحت على القصيده وليه ماتجيب لنا دايما مثلها .مهو مثل إختيارات بعضنا للقصايد لقريناها جابتلنا النعاس أما هالقصيده اللي أنت جبتها عزالله إنها مهيله تطرد العماس من الراس..عين عليك بارده.أدري إني خربتها على شان كذا
أبي أنحاااااش

المشاركة الأصلية كتبت بواسطة أبـو نــواف

نقل جميل

بارك الله فيك

والاجمل هوتسجيل تواجدك

بالمتصفح ،.،

اهلاً أبو نواف :cu:


/

.