بس إنتبه لاضاق صدر الشمالي

صح الشمالي صدره أوسع من الكون ** بس إنتبه لاضاق صدر الشمالي

وصح انك الغالي وانـا فيـك مجنـون ** بس انت ماقدرت من قـال غالـي

خيبـت هقـوات ٍ كثيـرات وظـنـون ** وأخلفـت ماكـان بخيـالـي وبـالـي

وخليت كـل النـاس عنـدي يقولـون ** مسكين يمشي بالهوى دون والـي

والناس ناس وأكثر الخلق يـدرون ** باللي معك صايـر وماقـد مضالـي

كم قلت لـك لاتفعـل اللـي يسـووون ** خلك معـى مخلـص بـأول وتالـي

كم قلت لك إترك هل الهـرج يحكـون ** وأرفـع مقـام الحـب دايـم بعـالـي

لأن الهـوى مبـدا وحكمـه وقـانـون ** شي ٍ كبير وشي .. شـي ٍ مثالـي

الله لو تـدري اليـا غبـت وشلـون ** حالي اليا من غبت وشلون حالـي

لارحت ضلعي من عنا البعـد محـزون ** حتى منامـي لاحشـا ماهنالـي

وإن جيتنـي دمـي وروحـي يغـنـون ** رقصة غلا من بعـد طـول إنشغالـي

واليـوم مانـي فيـك مغـرم ومفتـون ** اليوم أنا فـي غيبتـك صـرت سالـي

مالك ومالي .. ماانـتْ للخافـق تمـون ** وان قلت ليه. اقول : مالـك ومالـي

وأكيد لـك رجعـه وأنـا اكيـد بكـون ** أحرقـت صفحاتـك ولا لـك تـوالـي

وبسّمعك أحلام لاجـرت لحـون ** وش ذكـرك حـب ٍ طوتـه الليالـي

نعـم طويتـك والغـلا مـات مطعـون ** حتـى خيـالـك بقتـلـه لاطـرالـي

ملعـون أبـو قلبـي إذا جـاك ملعـون ** وأنـا معـرب مـن عمـام وخـوالـي

انا شمالي صدري اوسـع مـن الكـون ** بس انت ماخليت صـدري شمالـي


للشاعر : خلف المشعان العنزي

صح لسان الشاعر ,قصيدة جميلة ومعبرة.
يعطيك العافية .

صح لسان شاعرهااااااا

المشاركة الأصلية كتبت بواسطة نايف العميم

صح لسان الشاعر ,قصيدة جميلة ومعبرة.
يعطيك العافية .

يعافيك ربي


سعدت بتواجدك

المشاركة الأصلية كتبت بواسطة روحي تحبك

صح لسان شاعرهااااااا

يعافيك ربي


سعدت بتواجدك

مشكور اخوي
وجبتها ع الجرح
لان خلف المشعان شاعري المفضل

ونعم ونعم ونعم المشعان وبس
تقبل مروري ...