تستاهل المدح ياسعود

قصيدة للشاعر /فرحان بن قيران الدهمشي في مدح الشيخ/سعود رشيد المجلاد
تطاولت ياقوتي عليه بزين وشين =تطاولت بالروحة وتطاولت بالجيه
تلونت لي وانأ أكره الزيف والتلوين =إثرك أنت نكباتي وانأ و أقول وش بيه
أنا وين ياوقتي وضغطك عليه وين=إنا دون ضغطك صار ضغطي ثلاثمية
إن مابقالي كود من يكرم العانيين=مع سعود ولد أرشيد نار الرجا حيه
لفتني رسالة منه مضمونها سطرين=ولكنها تسوي ثمانين مطويه
تعيد الأمل ترجع هل المركب المقفيين=هلا مرحبا بعقال راسي وطاريه
سريع الفزع ياقرب الحلق للسكين=مواقف على سعران وارشيد مبنيه
هل الفعل والمعروف سطامة الغاوين=هل الطيب والنخوة حماة الجلاويه
هلا ياطويل العمر ياشمعة الغاليين=هلا ياسليل اهل المعزوم الحديديه
هلا فيك ياملجاي وقت القسا واللين=ذارية ليا هبت مع البرد غربيه
على الرأس ياريف المساكين وسط العين=يالولاك ينعاف البلد والسعودية
جمايلك عندي لاهي وحده ولا ثنتين=فعايللك في مي الذهب تقل مطلية
اهدد زماني فيك ياشفت شين وزين=اهدد همومي فيك ياصافي النيه
حشى ماشكيت العوز والبهذله والدين=يهون العصيب وحاجتي منك مقضيه
إنا ياذكرتك يافرج كربة التالين=أطول الكواكب والحق الشمس بيدية
سواك أنت يابو زياد يالسيف أبو حدين=إنا من بقالي بالحدود الشمالية
ترد الهموم وتضحك الوقت عقب البين=بك الطيب والمعروف عادة وماريه
رفيع المقام معدل العوج والغادين=سكوتك ذهب تبغى فعايلك مخفيه
عدو التباهي تكره الشخص أبو وجهين=فعايلك مضمونة سوالفك منقيه
يشوفون وقفاتك لحالك تبي تسعين=وانأ أشوف من عندي مواقفك عاديه
يشوفونها صعبه هل الظن والتخمين=وانأ أشوفها ثابت بقلبي ورجليه
دقيقة بيمناك الشريفه تبي عامين=على واحدن غيرك عزومة صناعيه
أزورك وانأ أحلامي تعيسة ودلوي طين=وأجي منك وأحلامي سعيدة وورديه
شف الخوف بوجودك وشوفك قلب تطمين=تنام العيون إلي عن النوم منهية
فعايلك فورية سريعة مهي بعدين=على وجه أبو بعدين يمناك فورية
عسى الله يديمك للضعيف وللمسكين=و عسى الله يديمك يا سليل الشرف ليه
تراني على خبرك وفي والسنين سنين=يدور الزمان وصورتك فيه محميه
إنا مايبدل نيتي مرحبا وآهلين=أميز طعم نجضانة الهرج والنيه
أهز القصايد فيك هزة شجرة التين=وانزل ثمرها واجمع الزين بيديه
يشيب القصيد ويصعب البيت والبيتين=وتجي فيك تاج المراجل طبيعه

صح لسان الشاعر ويستاهل الممدوح

ويعطيك العافية على هذا النقل بس لو أنك مكبر الخط شوى الشوف صار شجر

صح لسان الشاعر

ونعم بسعود المجلاد

مشكوووووور والله يعطيك الف عافيه