على طاري صباح الورد, وإسمك, والحـلا والـذوق

على طاري صباح الورد, وإسمك, والحـلا والـذوق
ذكرتك يـا أجمـل أحلامـي , بقافـي واستهليتـه



على درب القصيد أسوق , قلبي والخطـاوي شـوق
وإذا مالت بـي الخطـوة , علـى دربـك تناسيتـه


يهز الشـوق بأعماقـي , عناقيـد الغـرام عـذوق
ويقطف بالغلا فيني , غـرامـ(ن) خنـت وأخفيتـه


أحبك كثر ما يشعل , غرامك فـي حشـاي حـروق
وشبٌه زود لو يحرق , ضلوعي مـت مـا اطفيتـه


أحبك دمعتـ(ن) طاحت , على خد الصباح اشـروق
يموت النور لـو طاحـت , علـى كفـي وضميتـه


أحبك , إيه أحب إسمك .وأمـوت بجيـدك المنتـوف
و تخيل كثـر مـا أكـره صـدودك , قمـت حبيتـه


تموت من البطا غيمه , طعنها مـن جفـاك بـروق
وغشى روض الحشا وسمي , جفافك وإنت ما ارويته


رحلت , وما بقى منك سواك إنت , و عنـا مفهـوق
عنـا ذاك الربيـع اللـي , غشانـي مـا تمنيـتـه


تعال , إجرح على كيفك , تربـع واستحـل عـروق
تدلـل والبسـاط أحمـد , وأنـا لرضـاك مديـتـه


قم إسهج لآخر ضلوعـي, تغلغـل داخلـي برفـوق
حلالك ما بقى منـي , مـع اللـي لأجلـك أفنيتـه


من اللي من غديت أجمل قصيدة ما غـدا لـه ذوق
ومن اللي كتـب باسمـك قصيـده وانكسـر بيتـه


وربي , من كتبت إسمـك وبروزتـه بقلبـي فـوق
وأنـا مـا دار فـي بالـي , قصيـد مـا تحاليتـه


دخيل دمعتين اللي, غـدت منهـا الخـدود شقـوق
ترفق سامحك ربي , علـى قلـب(ن) لـك أهديتـه


إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه


يذكرني الورد , وإسمـك ,لاوالـذوق
وأردد يا ( أجمـل أحلامـي ) بقافـي يـوم هليته

الله الله ع الذوق الرقيق صح لسان الشاعر وسلمت يمين الناقل

بارك لله فيك قلم

على النقل المميز لاهنت


عززف

المشاركة الأصلية كتبت بواسطة تناهيد

الله الله ع الذوق الرقيق صح لسان الشاعر وسلمت يمين الناقل

الله يسلمك

المشاركة الأصلية كتبت بواسطة عزف الأمنيات

بارك لله فيك قلم

على النقل المميز لاهنت


عززف

يسلموووووووووووووووو عزف على الرد الجميل

..
قلم حر
اختيار اكثر من رائع
صح لسانك
شكرًا لك ولجمال ذائقتك
ونتطلع لجديدك بكل الشوق
تحياتي

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

بوركت اخي

ما أجمل الحفظ لهذة الذائقة

المشاركة الأصلية كتبت بواسطة انساااان

إذا لك حق في قلبي , فأنا لي فـي غـلاك حقـوق
و حقوق الشوق محفوظـة , وحـدي مـا تعديتـه

بوركت اخي

ما أجمل الحفظ لهذة الذائقة

يسلمووووووووووووووووووووو انسان على الرد الجميل