ماهو بكفو الوقت(من اروع ما قرات)

ماهـو بكفـو الوقـت ( من اورع ما قرأت )

معليش اتحمل واقراه وعسى انه ينال اعجاب ذائقتكم :


ماهـو بكفـو الوقـت حبـك يمحّـيـه
ياللي تخـاف صـروف الايـام تمحـاه

ارتـاح ..مـادام المـواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

حبـك علـى رملـة خفوقـي مواطيـه
ورياح عذلي عنـك مـا تمسـح خطـاه

واللي يعـذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
مـن كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه


شـرط ٍ تشوفـك فيـه منـت بحواليـه
ويمكن تشـوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

(وهذا البيت الجاي يقتل )

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشـوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تـصـدع زوايــاه

قـد زلزلـه فرقـا وهـزت عـراويـه
والله ستـر والحـظ عـانـه وعـافـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه


انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلـقـاه دوم وكــل يــوم ٍ تلاقـيـه
والـى بغيتـه صـدق مـا عـاد تلقـاه

الحلـم ياتيـنـي بـزولـك واراعـيـه
وفـي كـل حلـم اقـوم قبـل اتحفـاه


اعشق سميك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجـيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيـط الصـدر والبعـد يفريـه
ويابـري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّـك....... استغفـر الله

تقبلوا تحياتي



فووز

فـــــوز

جميل مانقلتيه من روائع الشاعر الكبير ابن فطيس

من جد رووووعه الكلمات ومؤاثره جدآ

في صميم القلب

تقبلي مروري لمتصفحك الرائع

عــــــــزف

الاروع مرورك يالعزززف

والاجمل تواجدك اشكرك

اخوي يسعدني تواجدك في متصفحاتي

يسلمك ربي وماانحرم تواجدك


خااااالص ووودي