قصيدة تدمي القلب؟؟؟

هذي قصه واقعيه حدثت لبعض الاخوات وهي تروى قصتها في دار المسنين تقووووول؟؟؟؟

كنت ساكنه في احدى القري انا وعيالي وابو عيالي مستانسين ومرتاحين وفجئه جاء يوم صوتلي ابو عيالي وقال؟؟؟أم فلان تخاوينن نبي يم الديره ؟؟تقول قلت له يالبيه أبشر وطلعت انا وياه وقفني عند سوق الذهب تقوول والله اني فرحت تخبر أي حرمه تبي تفرح بالذهب تقول قال اختاري وانا اختار هذا وهذا وهذا وقلت له بس يكفي قال لا لا خوذي بعد تستاهلين !!!!!

تقووول ويوم رجعنا الي البيت قال؟؟؟ تري الذهب هذا مهو لك تراه لزوجتي الجديده !!!!وأنتي تريك طااالق طااالق طااالق !!!!!!

تقول لحظتها مادرى وش اسوى ولاشعرت بنفسي صابتني جلطه وجلست في المستشفي ست شهور ولا أدري من زارن مادرى زاروني عيالي زوجى مادرى المهم نقلوها المستشفي لدار المسنين لانها ماشافت أحد ولها سبع أطفال أربع اولاد وثلاث بنات حنا مانجيب شي من الخيال او من المريخ هذي قصه حقيقيه وحصلت علي سطح الواقع قصه مؤلمه والصراحه امراض العقوق منتشره بالمجتمع تلقي الواحد يبر بصديقه بزوجته وأمه وابوه عنده مايبر فيهم ؟؟؟؟؟؟نسأل الله أنه يحلنا من والدينا

المهم قصدت هذه القصيده المحزنه وهي في الدار وتقووول ؟؟؟؟؟؟


تكفين ياطيور الحرار أفزعيلي ..............أبي عن ديار الاهل منك الاخبار

تكفين حومي فوقهم وأرجعيلي .............وألا أن حصلتس حومتن داخل الدار

تكفين حول بيوتهم دوريلي .............سبعة فروخن يوم أخليهم صغار

شوفي ضناي وعودى ونيك فيني.......وشلونهم ياعلهم صاروا أكبار

نسيوا دفاي ونومهم في شليلي ........وش علمهم ياعلهم بطول الاعمار

قولي لهم ان امكم له عويلي .........خمست أسنينن دمعها دوم مدرار

وقولي لهم اني علي طول ليلي ........أنوح ولياقرب الصبح انهار

وقولي عيونه دايم له هميلي .......تبكي لياشافت من الناس زوار

كل يوم أقول أقدى حديهم يجيلي .....راحت اسنيني مابهم واحدن زار

وأنا هنا من سبتك يالحليلي ........حالي تردت كل ماله وتنهار

وفرقي ضناي اللي تردت بحيلي ........كني علي شوفاتهم صالي النار

ياويلي وياويل ويلي كان عج الرحيلي .......وانا لي سنيني ابي لو هي اخبار

قولي لهم ياطيور قلبي عليلي .........الله يكافي قلوبهم صارت احجار

تكفين وسط ديارهم صوتيلي.......شوفي عسي لاسمي مع الناس تذكار

قولي لهم اني من نسيانهم يستحيلي .....ياللي نسيتوها تري الوقت دوار

ياهيه يالي بالسماء لك هديلي .....ردي خبر تكفين تكفين وامرار

شوفي هكالي نومهم في شليلي .....من أذانت المغرب لياوقت الاسحار

شوفي هك اللي ماتهني في مقيلي ......الا بمقيلن معهم اكبار واصغار

وقولي لهم ان كان حملي ثقيلي ........مره يجونى وعقبها شي ماصار

وأنا يتولاني كريم جليلي ........ياعلني في جنتن وسط الابرار

لا حول ولا قوه الا بالله جزاك الله خير ويعطيك العافيه

وقولي لهم ان كان حملي ثقيلي ........مره يجونى وعقبها شي ماصار

تقبل مرووري

الاخ العزيز /صافـــي الـــود يعطيك العافيه

والله ماهي غريبة ليش لإن ابوهم رهيب سخي صاحب معروف رجل؟؟؟ اليس كذلك اخي واكيد مايحصله حتى دارالعجزه بأذن الله والا تدري اللهم اصلحهم ولم بشملهم آمين هذا خير 00000

لاحول ولاقوة إلا بالله

الله يجمع شملهم ويستر عليهم وعلى كل مسلم

شكرا صافي الــود

شكرا صافي الود قصة محزنة وقصيدة احزن بكلما ت الترجي والعطف المفقود من ام الحنان ومنبع العطف


الله يصلح عيالها ويهديهم لها بامر الكريم سبحانه وتعالى*


كل التقدير والاحترام

السلطاني * * * انسان * * * عبدالرحمن * * * ابو جنيب

أشكركم على المرور والردود

أين هؤلاء من قول المصطفى صلوات الله وسلمه عليه (( من أحق الناس بحسن صحابتي _ قال أمك قال ثم من قال أمك قال ثم من قال امك قال ثم من قال أبوك ))

فكرر صلى الله عليه وسلم الأم ثلاثة مرات

وهؤلاء من حسن تعاملهم بأمهم رميها في دور العجزة وقد يكونون مجبرين على ذلك بسبب والدهم

ولكن هذا لا يعذرهم من زيارتها ولو سرا

وكما تدين تدان

دمتم بود

اخي صافي الود هل الشوك يثمر عنب
ان الافعى لاتلد الا افعى الا مااصلح ربك
اذا شيمت صاحب البيت الدف فمذا شيمت اهل البيت
اذا زوجت قاطع ماذا ترجو من ذريته
نحن لا تؤيد الابناء ولاكن نشير الى عق ابيهم وماذا يحصل له منهم حبيبي دمت بود واصلح الله لك زوجك وابنائك

	[blink]المبدع أنسان [/blink] أهنى أنفسنا ومنتدانا لوجود عقلية واعية مثل المبدع انسان اسلوب راقي جدا في الحوار بمداخلاتك وردود أصبح الموضوع يشع نورا كلامك في الصميم انسان وصدق الرسول الكريم صلى الله عليه وسلم حين قال (( أن جاء كم من ترضون خلقه ودينه فزوجوه )) أو كما قال صلوات الله وسلمه عليه وبارك الله فيك أخي الحبيب واسأل الله عز وجل أن يوفقك في الدنيا والآخرة ويتقبل صيامك وقيامك ويغفر لك ولوالديك لك كل الود والتقدير

كل الذنوب يؤخر الله مايشاء منها إلى يوم القيامة إلا " عقوق الوالدين "

كفانا الله واياكم العقوق وشروره

حضورك دائماً مثمر ومتميز ياصافي


شكراً لك

ارق التحاايا