طبخ الحنيذ بالمرخ بالصور

المرة هذي حبيت اشارككم في طبخة جميلة اتمنى انها ترتقي الى ذوقكم في البداية يتم تقطيع اللحم قطع صغير على مقاس الكف ثم يوضع اللحم في صحن كبير عشان التمليح ويفضل انه يكون الملح زايد شوي طبعا من الضروري انه يطبخ على جمر زين وكثير ثم يوضع على الجمر المرخ يعني يفرش فرش { المرخ نبات ليس له اوراق غالبا يوجد في الشعبان قرب المدن} ويضع عليه اللحم طبعا يراعى مقاس القدر في كمية الجمر والمرخ كما سيأتي بعد ما يوضع اللحم على طبقة المرخ يغطى بطبقة اخرى من المرخ و لامانع من وضع فوقها قطع اللحم اذا كان محيط الجمر صغير بعدما يرص اللحم جيدا تجيب الله لا يهينك قدر كبير على حسب قطر الجمر ثم تكبس القدر على اللحم والمرخ والافضل انك تستعرض بطولك وتوقف عليه على شان ينكتم اكثر ولا يطلع دخان المرخ بعدين تكون انت مجهز خياش فاضية مبللة مويه بس مو تبليل بالحيل وترصها حول القدر وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع منها دخان , ويبيلك تحط فوق القدر بلكه او حصاه وتحط حولها جمر افضل بعد كذا ريح ودق سواليف مع ربعك واضرب من الشاهي لمدة ساعة ونصف الى ساعتين الا ربع يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشال او تخليها مطرفة بعيد عن اللحم ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه وان شاء الله انها تعجبكم ...وعلى فكرة مو شرط انك تحط مرخ لو وجدت بشام تراه افضل واطعم خاصة اذا كان اخضر وجديد .... واتمنى انها جازت لكم ..

يعطيك العافيه

فلسفه شدي حيل لايجيك الاناضول

الله يعافيك ابو نواف اسعدني
الاناضول انا ماخذة مكانه و يحق له المثابرة لاسترجاعة: )

شكرا جزيلا

طريقه رووعه

سلمتِ يالغلا

مشكور ويعطيك ألف عافيه

يا سلام عليك فلسفة شيء يشهي

تسلم يديك

مشكوووووره ياعسل تسلمين

المشاركة الأصلية كتبت بواسطة يــزيــد

شكرا جزيلا

العفو اخي يزيد لاهنت ع المرور

المشاركة الأصلية كتبت بواسطة اميرة الورد

طريقه رووعه

سلمتِ يالغلا

هلابك غلاتي اميرة لا عدمتك طلتك الروعة