يــارب تجعلـنـي مــن الـنـار معـتـوق

دنـيــاك هـــذي كـلـهـا هـــز قــــاووق
ما تعرف الصاحب مـن اللـي معاديـك
اكثـر كــلام الـنـاس بالمـكـر والـبـوق
يـهـرج مـعـك والـيـا تقفـيـت يـرمـيـك
الـمـال دايــم صاحـبـه مرتـفـع فـــوق
والـقـل خـايـب لــو ترفـعـت يـرخـيـك
عـزي لـمـن دور لـهـا عـنـد مخـلـوق
إمــا بـخــل ولا منن يـــوم يعـطـيـك
أوصـيـك بالطـيـب إن كــان لــك ذوق
أرمــــه وراك ولازم إنـــــه يـلاقــيــك
يـا عبـد هـون كــل مـطـرود ملـحـوق
لا تشتحـن لــك رب مــا هــو مخلـيـك
اللـي جعـل لـك روح جاعلـك مـرزوق
كـمـا تكـفـل بــك مــن الخـلـق كافـيـك
يعطي وبـاب الـرزق مـا هـو بمغلـوق
واليـا طلبتـه وانــت محـتـاج يعطـيـك
الرزق لـه حسبـه ولـه وقـت مطلـوق
وان مــت ظـلـى عـنـد قـبـرك ينـاديـك
والموت جايك لو تقع جوف صنـدوق
دع عنـك مـابـك مــن حــذر لا يعنـيـك
لا تشتـغـل بالـمـال والـمـال ممـحـوق
مـــا مـالــك إلا مـــا تــمــده أيــاديــك
إن كـان مالـك يافتـى ضـيـق الـسـوق
تـراه عـنـد الـمـوت مــا هــو منجـيـك
الجـار والعانـي لهـم شــرط وحـقـوق
والضيـف واجـب تكرمـه يـوم يأتـيـك
وإن كان تبغـي تأخـذ المـدح مطبـوق
خـلـك مشـمـر دون ضيـفـك وعـانـيـك
صون الامانه واظهر الهرج بصـدوق
ولاتعـاشـر صـاحـب الـبــوق يـعـديـك
لا تصحـب الخايـن ولا تـأمـن الـنـوق
وان لاح بــراق الحـيـا عــذرت فـيــك
والـدرب لاتامـن ولــو كـنـت مـرفـوق
إلا بــحــد فـــــي يـمـيـنــك يـبــاريــك
أتـرك طريقـة كـل عـاشـق ومعـشـوق
ترمي بروحك فـي الشـرك ثـم يرميـك
والكلـب مـا يتبعـك لـو تلبسـه طــوق
وإلا خلاخـيـل الـذهــب مـــا يـراعـيـك
وبالصبر تغلب صاحب العزم يا شوق
والـعـزم طـيـب مـيـر حــزات يرمـيـك
وافـرح آليـا منـك عـن الشـر مـدروق
واحـذر صديقـك واحـذر اللـي يواليـك
هـذا كـلام الصـدق مـا هـو بمـسـروق
وابـيـات يـــا قـلـبـي بـنـاهـا يسـلـيـك
من هاجس يطمي كمـا بحـر صافـوق
أحذر على القلب الشقـي يـوم يطريـك
يــارب تجعلـنـي مــن الـنـار معـتـوق
واجـعـل ختـامـي طيـبـاً يــوم ألاقـيــك

الشاعرالكبير/ بديوي الوقداني - رحمه الله

ابيات جميله
يعطيك العافيه ابو لميس على النقل الرائع...

بارك الله فيك على هذه الحكم الشعريه

سلمت اناملك على النقل الطيب لا هنت

قصيد رائعه تسلم والله

قصيدة جميله والله يقويك
تقبل مروري

الله يعافيكم

وكل الشكر لكم على مروركم

ااالله االله
من أروع ما قرأت
محمد زعل
شكرا لهكذا ذائقة
وإلى التميز .

يعطيك العافية أختي شروق

وكل الشكر لك على مرورك

بيض الله وجهك اخوي محمد على النقل الرائع
صراحه قصيده مليئه بالحكم والمواعظ,,,,,,,,,


تقبل تحياتي,,,,,