نهاية دخول الشات بأسماء البنات

السلام عليكم ورحمة الله وبركاته:
هذي قصه قريتها في احد المنتديات وحبيت اشارك فيها لانها بصراحه اعجبتني واتمنى من قلبي انها تعجبكم
أخــلـيــكـم مــع الـقـصـه
"7"
"7"
جراح ويوسف ربع من زمان وتعرفون المواقف والدقات اللي تصير بين الربع
بس هالمرة الموقف اللي سواه يوسف بجراح
موقف ضيع حياة جراح
خلونا نشوف أحداث هالقصة مع بعض .. ..



**********


جراح كان داخل الشات بنك (( أدور على حب )) والحبيب داش جو مو طبيعي
وطايحله سوالف مع بنات خلق الله
إتصل عليه رفيقه يوسف ودار بينهم هالحوار


جـــراح : ألووو
يوسف : ألووو هلا والله جراحووو
جـــراح : هلا فيك حبيبي .. ها خير آمرني
يوسف : شنو آمرني .. ! تصرفني ويا وجهك
جـــراح : لا والله بعد عمري إنت بس آنا منهمك بالشات قز قز مو طبيعي يويسف وناسة
يوسف : ممم زين اجل وش نكك .. ؟
جـــراح : ليش بتدخل علي .. ؟
يوسف : لا والله آنا وين والشات وين خبرك عتيق ما قمت أدخل زهقت منه
جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالشات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـــراح : ههههههههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـــراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـــراح : وإنت من أهل الخير
يوسف : باااي
جـــراح : بااايااات


طبعا يوسف مافيه النوم وأصحى مني ومنكم بس أهو مجهز موقف ودقه محترمة حق رفيقه جراح


يوسف دخل الشات ودخل بنك (( أبي واحد يحبني )) يعني منتحل شخصية بنية
وقعد ينطر وينطر وياكل بطاااطس و بيبسي
لما دخل عليه نك (( أدور على حب )) لوووووووووول
اللي أهو جراح

جراح المسكين ما يدري عباله بنيه صدز لوووووووووول
ودار بينهم هالحوار


جـــراح : مساء الخير
يوسف : مساء النور ياهلا
جـــراح : شلونك شخبارك
يوسف : الحمدلله زينة .. وإنت شلونك
جـــراح : آنا بخير دامك بخير
يوسف : دوم انشالله مو يوم
جـــراح : تسلمين ما تعرفنا عليك يا حلوة
يوسف : معاك شيماء وإنت .. ؟
جـــراح : عاشت الأسامي .. معاك جراح
يوسف : عاشت أيامك .. الله إسمك يهبل وااايد حلو ستاااااااااايل
جـــراح : تسلمين من ذوقك .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جـــراح : أووو ليش كذا تكسرين فيني .. آنا زعليت خلاص
يوسف : آسفة
جـــراح : لا كلا واحد .. شيماء كم عمرك .. ؟
يوسف : 18 وإنت ؟
جـــراح : 19
يوسف : العمر كله .. الله إنته أكبر مني
جـــراح : طبعا طبعا .. يالله روحي سويلي بيض طماط بسرعة
يوسف : واي حدك واثق
جـــراح : طبعا واثق .. شيومه شلون الشات معاك اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـــراح : تنساني وتروح وحده وحده حتى أستوعب كلامك والجروح
يوسف : واااي ملاقة
جـــراح : شيومة شيومة
يوسف : هلا خير
جـــراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس وااايد .. شكلك ما تحب ولا جربت الحب
جـــراح : لا والله ما صار نصيب وبعدين مافي اللي تستاهل أحبها
يوسف : إي والله صاج .. بس في بنات شحلاتهم يهبلون وأخلاقهم وايد حلوه
جـــراح : إي شيومة في بس قتلك للحين ما صار نصيب
يوسف : إنت مشالله عليك روحك حلوه تضحك وتونس الله يخليك حق أهلك
جـــراح : صدز .. ؟
يوسف : إي والله صدز .. آنا ما حب أجامل أحد
جـــراح : بعد عمري والله
يوسف : شنو .. ؟
جـــراح : آسف إطلعت عفويه من غير قصد
يوسف : لا عادي
جـــراح : ممم أنا ما أشوفك تضحكين وايد ليش .. ؟
يوسف : إي والله صادز آنا ما أَضحك وايد حياتي تعاسه بتعاسه
جـــراح : أفا ليش .. ؟
يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني كني خدامه مو بنتهم
جـــراح : كل هذا فيك
يوسف : وأكثر من كذا
جـــراح : تصدقين ودي أسمع منك وايد سوالفك ما تنمل بس آنا الحين لازم أروح .. ممكن طلب ..؟
يوسف : تفضل
جـــراح : ميخالف أضيفك عندي بالإيميل هذا إذا ما عندك مانع
يوسف : والله مادري شقولك .. آنا ما أضيف شباب عندي
جـــراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر
جـــراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـــراح : أوكي هذا إيميلي .......... متى تضيفيني .. ؟
يوسف : إنشالله الحين
جـــراح : أوكي آنا طالع الحين تامريني على شي .. ؟
يوسف : سلامتك
جـــراح : أشوفك على خير إنشالله .. مع السلامه
يوسف : الله يسلمك


**********


فلم يوسف مشى على جراح المسكين

وجراح عاش بوهم
ويوسف ما تاب صار يسولف مع جراح كل يوم بالمسنجر
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه وايد
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف

وهالدقه اللي مسويها يوسف تتوقعون كم إستمرت .. ؟

ســـــنـــــة كـــــامـــــلـــــة

يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يصير باكر عشان يسولف ويا شيماء
أقصد الوهم

ويوسف الله يسامحه
ميت من الضحك عليه

**********


يوسف قام يحلي اللعبه
صار ما يشبك
وطبعا جراح المسكين قام يحاتي ويرسل إيميلات
ويوسف ميت ضحك
جراح صار واحد ثاني
ما يطلع من بيتهم
كلا قاعد بداره
يتخيل صورة شيومه حبيبته
يتخيل سوالفها
دلعها
روحها الحلوه
ويبكي ويبكي


**********

بعد شهرين

شبك يوسف
وجراح طار من الفرحة
قال حق شيوم ليش ما تشبكين .. ؟ وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمك بكلمك بالتلفون
شيوم إرفضت تدرون ليش .. ؟
لأن صوتها خشن

لوووووووووول

اللي أهو صوت يوسف هالتعبان اللي ما يستحي

فقررت شيوم إنها تواعد جراح
ودار بينهم هالحوار

جـــراح : حياتي يعني الحين شلون ماراح أسمع صوتك .. ؟
يوسف : حياتي لا تزعل روحك .. أنا عندي فكرة
جـــراح : شنو .. ؟
يوسف : شرايك تشوفني .. وبجذي راح ناخذ على بعض أحسن من التلفون بألف مرة
جـــراح : من صجج إنتي .. ؟
يوسف : إي والله من صدقي
جـــراح : الله وناااااااااااسة
يوسف : وآنا شبي غير وناستك يا بعد عمري
جـــراح : حياتي والله .. إنزين شيومتي أي مكان راح أشوفك فيه .. ؟
يوسف : ممم شوف الساعة 9 بليل بالحديقة شرايك
جـــراح : صار بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جـــراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جـــراح : أوكي حياتي صار


جراح طبعا ما يحتاي أوصفلكم شعوره

الأخ المسكين راح الصالون ما خلا شي ما سواه بويها
سنفرة وتنظيف بشرة وحلق وظبط شغله وكشخ
وراح الحديقه الساعه 5
ينطر الساعه تصير 9 عشان يشوفها
مسكين كل هذا حب .. ؟
قاعد ينتظر وينتظر
وأخونا الشيطون الثاني يوسف
رايح بازار فحيحيل يشتري دراعة وعباية وشيلة ونقاب



قرب الموعد

يوسف لبس الدراعة وتعطر من عطر حمامهم
ولبس الشيله والنقاب والعبايه
والأخ يعني صايد الحركة
راح كحل عينه

ههههههههههااااااااااي



صارت الساعة 9 بليل

راح يوسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر

طبعا يوسف ما خلا عسل ما شربه عشان ينعم الصوت

هههههههههه

ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار

جـــراح : مرحب
يوسف : مرحبتين يا هلا
جـــراح : إنتي شيوووم .. ؟
يوسف : إي آنا شنو ما عرفتني
جـــراح : لا أعرفك بس حبيت أتأكد
يوسف : والحين تأكدت .. ؟
جـــراح : إي بعد عمري تأكدت
يوسف : واااي على هالكلام الحلو
جـــراح : سمعيني شيوم آنا أموت فيك أحبك كثيرررر مستعد أذبح روحي عشانك
يوسف : بعد عمري لا تقول تذبح روحك .. سم الله عليك
جـــراح : حياتي عفيه بكلمك بالتلفون
يوسف : آنا ودي أكلمك بس ماقدر ماقدر
جـــراح : ليش .. ؟
يوسف : تلفوني مافيه رصيد كلش
جـــراح : ههههه لا يا عمري آنا راح أتصل عليك مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))
جـــراح : أوكي خلاص اليوم روحي إشتريلك كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جـــراح : ولا يهمك حياتي دقايق بروح أشتريلجك كرت وراجع
يوسف : لالا مابي أكلف عليك
جـــراح : لا عمري لا كلافة ولا شي و إنتي مني وفيني


راح جراح يشتري كرت حق شيوم
وطبعا الأخ الفاضل يوسف
رفع النقاب
وجه كلها عرق



قام يستنشق الهواء
وأهو ميت ضحك
شاف جراح جااي من بعيد
غطا وجهه
وصل جراح
ودار بينهم هالحوار

جـــراح : هاك عمري هذا الكرت
يوسف : وي وي بعد عمري مشكور ما قصرت
جـــراح : أفا عليك كم شيومه عندي


يوسف ما قدر يستحمل
فصخ النقاب والشيله
وشوفوا شصار


جـــراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف


*********

شنو تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من رفيقه
جراح إنصدم وظل واقف بمكانه ما يتحرك
رجوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح صابه إنهيار عصبي وصار مجنون وبظل طول عمره بالمستشفى


ظاعت حياة جراح ظاعت

ولو كانت شيماء حقيقة كان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يصيح ويصيح ويصيح
وحلف إنه ما يسامح نفسه طول عمره

لكن بعد شووو .......... ؟؟



(مــ ن ــقــول)

من الحب مااعمى

مقلب جدا رائع

يعطيك العافية على هالقصة

خووووووش دقه عفية على يوسف إشلون مسك نفسة يوم قابله بالحديقة ههههه

يعطيك العافية يابن العم

هذا هو الوهم بعينه ، كم من شاب ضيع حياته في الشات وكم من فتاة خسرت اغلى ما تملك وباعت عفتها وندمت حين لاينفع الندم والسبب (الحب الوهمي ) وكم من اسرة تفككت بعد الاجتماع وتباغضت بعد المحبة والوئام،
الشاب المسلم همته اعلا من هذه الاوهام وحبه الحقيقي هو مرضات الرب جل في علاه
كلمة (حب ) عالم من المودة والصلة والأنس والرضى والراحة ، وهي دنيا الأمل والفأل الحسن ، والأمس الجميل واليوم الحافل ، والغد الواعد .
ولا أحد في الكون يسكن له العبد ، ويتوكل عليه إلا الواحد الأحد ، ولذلك سمى نفسه ( الله ) ،. قيل هو الذي تأله النفوس إليه ،. وتسكن إليه في علاه .

الحب للرحمن جل جـلاله *** وهو مستحق الحب والأشواق
فأصرفه للملك الجليل ولذبه *** من كل ما تخشاه من إرهاق

بيت لا يقوم على الحب مهدوم ، و ، لكن أعظم الحب وأجله ما جاءت به الملة ، أجمل كلمة في الحب قول الرب : (يحبهم ويحبونه ) . فلا تطلب حبا دونه

ليس حبا قطعة معزوفة *** من يراع الشاعر المتنحب
ما ( قفا نبكي ) هو الحب ولا *** ظيبة البان وذكرى زينب
إنما الحب دم تتزفــه *** في سبيل الله خير القرب
أو دمـوع ثرة تبعثهـا *** سحرا أصدق من قلب الصبي
أو سجـود خاشع ترسمـه *** فوق الطين فاسجد واقرب.

شكرا يا السلطانى الكريم على هالنقل للقصه الرائع

والنهيايه المحزنه للشباب الغافل

هى كانت لعبه بس ماساويه ولو كانت النهايه مضحكه لتم نقلها لمتنفس الروح

قصه جميله والله يعطيك العافيه

كل الود والاحترام

شكرالك اخي فعلا موضوع جدارائع ونقل موفق وهذاللاسف حال كثيرجدامن الرجال الذين لاوازع ديني قوي لديهم ولاحساب للموت الذي يترصد بهم وماسوف يواجهون به الله يوم العرض ولم يفكروا في ان لديهم بنات وزوجات الخخخخخ وممكن تقع احداهن مع احد رفاقه في الشات اللعين ويجب ان يعلم من يستهين في اعراض الناس ويحلل ماحرم الله من الحديث مع تلك الفتاة وهي ليست من المحارم ان الله شديد العقاب ولايضرب بعصاء لذلك الحذرالحذر والتوبة والرجوع عن هذاالفعل الدنيئ يامن هم يمارسونه قبل فوات الاوان حيث لاينفع الندم وهذه الشات والله يااخوان ادمان خطيرجدا من انغمس فيه على الدنيا السلام وكثير من البيوت اندمرت وتفرقت بسببه حاسب نفسك اخي قبل ان تحاسب والله يكفيني وياكم شرهذا الداء اللهم امين وشكرا لك مرة اخرى وتقبل فائق احترامي

يعطيك العافية

نقل موفق

قصة طريفه وبأخرها محزنة

شكرا يالسلطاني