يارب

يارب ياللي خالق أعبادك أجناس
ياربنا ياللي عظمتك مهوله
أنا فوجهك لايجي وجهي الباس
وفقهني فدينك وسنه رسوله
البارحه ماغمض الجفن بنعاس
غدابي التفكير صوله وجوله
فالناس وفالدنيا وفالهم والياس
وفي سرعه أقدام الليال العجوله
العمر يمشي والمقادير جلاس
والحلم ياقصره ولو هو يطوله
والقلب هذا كل ماهب نسناس
شدد معاليقه ودقق طبوله
والحزن طعمه طعم وأجراسه أجراس
لاجاب دمع أيجيك على اصوله
والدمع أشوفه بوح راقي ونبراس
في وقت شحت فيه حتى الطفوله
الفلسفه ومعالج الجذع بالفاس
خذت من أثمن بحر ماسه ولوله
والانسان بالفطره مناقض للأدناس
لو يشتهي قلبه وتجرا رجوله
واللي يدوس النفس ماهو منداس
لو اوقفوله حبرته واقعدوله
وياليت ماعندي مشاعر ولا احساس
الله ياكم شي خافي بقوله
وياليتني انسان من ساير الناس
وياليت كفي باخله ومغلوله
الحكم لله والمسجل بكراس
بيصيبني لو أن مانيب حوله

صح لسانك....................

والحزن طعمه طعم وأجراسه أجراس
لاجاب دمع أيجيك على اصوله

اااالله قصيدة قمة في الجمال
وهي من روائع الشاعر سعد علوش
شكرا لك ولجمال ذائقتك
وبشـوق لجديدك
تحياتي لسموك



* ختم بواسطتي

جميل حضورك يــ أبا باسم

واتقاءك اجمل


بالانتظار لك


ارق التحاايا

الله يعطيكم العافيه على التعقيب

تسلم ايدك على الطرح الرائع

يعطيكـ الف عافيه
ننتظر المزيد منك
تحياتي

:Islam_s_158: