قصة ضوء غريب

صحيت من النوم فجأة


شفت نور غريب !!

المشكلة أن نور الغرفة مسكر

شفت الساعة على 3 ونص الفجر

طيب .. النور هذا كله من وين ؟؟؟

-----

تفاجأت لما شفت إيدي نصها بالجدار

طلعتها بسرعة وآنا خايف ، قعدت أشوفها

دخلتها مره ثانيه بالجدار .. شان تدخل !!!!!!!!

----

سمعت صوت ضحك

قعدت ألتفت لقيت أخوي نايم !!!

قمت من السرير وآنا خايف رحت أصحيه

بس ما يرد علي

رحت حق غرفة أمي

أحاول أصحي أبوي

أبي أحد يرد علي ماكو فايده

رحت أمي أحاول أصحيها وفجأة قامت من النوم !!!!!

---

إهي قامت من النوم بس ماكلمتني

كانت تسمي ' بسم الله الرحمن الرحيم ' وتكررها ..

قومت أبوي من النوم قالت له قوم قوم

أبى أروح أطمن على الأولاد..

أبوي جاوبها باستغراب ' مو وقته خليني أنام وباجر يصير خير

لكن أصرت عليه فقام من النوم مستغرب وراحو مع بعض

---

قعدت أصرخ عليهم
أمي --أبوي

بس محد يرد !!!

مسكت ثيابها أبيها تسمعني

بس ماحست فيني!!!

قعدت أمشي وراها لحد ما وصلت غرفة النوم

دخلوا غرفة النوم وشغلوا اللمبات

ماكانت تفرق معاي لأن الدنيا منوره أصلا

بسسس تفاجأت لما شفت شي غرييييييب

---

شفت جسمي !!!

أيه جسمي آنا

قعدت أطالع في نفسي لقيتني صرت اثنين

قلت في نفسي منو هذا ؟ واشلون هذا يشبهني !!!

قعدت أطق نفسي أبي أصحى من هذا الحلم الكئيييب

لكن ما صحيييت

---

أبوي قال ' يالله شفتي إنهم نايمين خلينا نمشي '

لكن أمي مااطمنت راحت عند اللي كان نايم مكاني

قالت محمد قووم محمد قووم رد علي

بس ما يرد !!!

حاولت أكثر من مرره وفجأة بدأت دمووع أبي تتساقط

أبوي القوي اللي ما شفت في حياتي دموعه شفتها اليوم

بدأ الصراخ يعلو المكان .. صحى أخوي من النوم قال ' شنو صاير '

أمي قالت له وهي تصرخ ' أخووك ماات محمد ماات ' وهي تبجي بحرقة

---

ازداد الصراخ

رحت حق أمي قلتلها لا تبجين آنا اهني شوفيني!!

بس ما كانت ترد علي

قعدت أصرخ أنا موجووود شوفوني

بس مافي حد يرد

قعدت أصرخ يااااارب يااااااارب يخلص الحلم اللي آنا فييه

---

سمعت صوت يأتي من بعيد وكان يعلو شيئاً فشيئاً

حتى سمعت قوله تعالى :
لقد كنت في غفلة من هذا فكشفنا عنك غطاءك فبصرك اليوم حديد

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))

فجأة في اثنين مسكوني بس اهمه مو من البشر

خفت !!

قمت أصرخ أتركووني أتركووني

أنتو منو ؟؟ وشنو تبون ؟؟

قالو : ' أحنا حراسك لحد القبر '

----

قلت أنا مامت أنا ليلحين حي

ليش تودوني القبر أتركووني !!

أنا أحس و أتكلم و أشوف ليلحين آنا ما مت

ردو علي بابتسامه

قالو ' عجيب أمركم يالبشر تظنون أن الموت نهاية الحياة ولا تدرون أن ماكنتم تعيشون فيه هو حلم قصير ينتهي عندما تموتون '

مازالوا يسحبون فيني لحد القبر

واحنا بالطريق شفت ناس تبجي وناس تضحك و ناس تصرخ

وكل واحد معاه اثنين مثلي

سألتهم ليش يسوون جذي ؟؟

قالو ' الناس هذول عارفين مصيرهم منهم من كان على ضلال '

قاطعتهم وانا خائف ' يعني راح يروحون النار !!!! '

قالو ' نـعـم '

وأكملو حديثهم ' واللي يضحك هذا رايح الجنة '

رديت بسرعة ' وأنا رايح وين ؟

قالوا ' أنت كنت شويه تمشي صح و شويه تمشي خطأ

شويه اتوب وترجع واليوم الثاني تعصي وماكنت واضح مع نفسك

وراح تضل جذي تايه '

قاطعتهم و أنا خايف ' يعني شنووو قصدكم آنا أرووح الناار '

ردو علي ' رحمة الله واسعة و الرحلة طويلة '

---

ألتفت وأنا خايف شفت أهلي أبوي عمي أخواني أقاربي كلهم

كانو حاملييني بصندوق رحت لهم ركضت قلتلهم ' ادعو لي '

لكن مافي أحد يرد علي منهم ،منهم اللي كان يبكي ومنهم من كان حزيين

رحت لأخوي قلت له انتبه من الدنيا وفتنتها لاتغريييك

كنت أتمنى لو أنه يسمعني

شدوني الملكيين لقبري ونوموني فوق جسدي

شفت ابوي وهو يهيل التراب فوقي

شفت اخواني وهما يهيلون التراب

شفت الناس كلها ترمي التراب فوقي

----

تمنيت لو اني مكانهم في الدنيا جان تبت

جان صليت الفجر أمس

جان دعييت ربي كل يوم

جان جددت توبتي كل يوم

جان حاسبت نفسي على
سيئاتي

قمت اصرخ ' يانااااس انتبهووا لاتغرركم الدنيا '

تمنييت لو أحد يسمعني

فهل سمعتني أنت ؟ ؟ ؟


---- انشرها إن أردت

--- وإن كان نشرها سيرهقك فهذا أفضل لأنك لا تستحق ثوابها وسيأتي يوم وأنت في مكاني بالقبر و ستتمنى لو أنك أرسلتها ..


سبحان الله وبحمده .. سبحان الله العظيم