هاض الشعر ياصاحبي لحظة غروب

هاض الشعر ياصاحبي لحظةغروب

هاض الشعروالقاف وزن القصيـــــده

ابياتنا ماهي مواعيدعرقــــــــــــوب

ابياتنا من هو تصيده تصيـــــــــــــده

ياصاحبي كلي لجل عين غرشــــوب

يامر وانا وجروح قلبي عبيــــــــــده

مبطي وهو في وسط قلبي بنىطوب

ويدي ابد ماتنشبك غير بيــــــــــــده

عليه نظرة عين طيب وحبــــــــوب

واسلوب جذابٍ ولاهي عنيــــــــــده

الشاهد الله مابها أي عــــــــــذروب

والكامل الله في حلاهافريــــــــــده

قلبي انا يا شافها صارمقلــــــــوب

يضخ دمه عكس داخل وريــــــــده

غلاه يسوى كل من يلبس الثــــوب

عسى الله يخلي ايامه مديـــــــــــده

لجله سهرت الليل طالب ومطلوب

ماغير طيفه وسط عيني اعيــــــده

يارب خله لي غالي ومحبـــــــوب

ولاتنقص بقلبي ياربي رصيــــــده

صح لسانك

شكرا لحضورك

..
جميلة..
صح لسـانك..
وشكرا لك ولجمال ذائقتك..
تحياتي../

جميل ,,

صح لسانك ياسالم