ياليل واللّه مابقى شَيء يُنقال

مع كبير الإعتذار لبياض وجوهكم ونقاء قلوبكم عن فترة الإنقطاع الإجباريه
ــــــــــــــــــــــــــــــــــــــــــــــــــ ـــــــــــــــ

طُرْفَه:نَقَشْ خوله على وجه الاطلال
بَمْعَلَّقَـةْ شِعْـرٍ تَـوَفّـى بَطَلْـهَـا

ظلّت تعايشها علـى مـرّ الاجيـال
قلـوب خـلاّنٍ عفيـفٍ غَزَلْـهَـا

وانا (نِقَشْت) اللي غلاها، برا الحـال
على الضلوع اللـي غرامـه نزلهـا

وياليل قِلْ (لَحْبَيِّبـي) طيّـب الفـال
إن القصايد،فيـه قمـت ارتجلـهـا

وأصبحت أغنيها على كـُل مـوّال
وأنـْـزِلْ مرابعها.وأَعَنِّّزْ :جِبَلْـهَـا

ياليل أنا لـي مُـدِةٍ ضايـق البـال
ومدري متى الضيقه معـاك اعتزلهـا

ياليل انا مجـروح وهمومـي اثْقَـال
وإن كِنْتْ تقوى شَيْلَهَا (هاك شِلْهَـا)

ياليل تصفقني مـن الجـال للجـال
مواجـعٍ بيّـن بِرَوحـي عَمَلْـهـا

ياليل ياللي بين الاحبـاب مرسـال
إن كان عندك سالفة حِـزِنْ قلهـا

ياليـل والله مابقـى شـيّ ينقـال
ومراكب الخـلاّن راحـت بَاهَلْهـا

اللي بقى ضيقه:و حسـره: وغربـال
وصوتٍ على بُعْد الْمَـدَا مَاوُصَلْهَـا

وطعون ياس ٍجَرَّحَتْ صدر الامـال
وكذبة فَرَح :ثَغْرْ الزمن ينِْتِحِلْهـا

ياليل غاب هْـلال وهْلاَل وهلال
ومابان من روحـي بحبّـه شَغَلهـا

سِتّ الْجَمَال اللي زَهَتْ حَبََة الخـال
في خَدََهَا وَاتْعَـبْ رِضَاهَـا:زَعَلْهَـا

(التُحْفَة) اللي لاَ طَرَقْها الهـوا مـال
خِصْر ٍ يِشِدِّه حَوْضٍها اللـي نِقَلْهـا

ريميـةٍ لاَجَـتْ تبختـر ،وتختـال
أرْثَعْ بِرِيْضَـان الضمايـر جِمَلْهَـا

في جيدها شالت قـلاده بسلسـال
يتيمـةٍ والصـدر شيـخٍ كِفَلْـهـا

هذيك(لاَ ذَابَتْ حَيا)وَارْخَتْ الشال
تِحْمَرّ بِيْض خدودها مِنْ خَجَلْهـا

مصيونةٍ ماتعـرف القيـل والقـال
من عقلها الراجح تلاشـى جَهَلْهـا

نجلا العيون اللي بها(شمس وظـلال)
من غَيَّهَا مَا جَاوِبَـتْ مِـنْ سئلهـا

وثغرٍ من الْرِقّه عليـه الشَّهَدْ،سـال
اللَّـه يِسْْْعِـدْْ : شِفِّتَيْـه وعَسَلْـهَـا

ياليل خَبِرْهَا:عَـنْ الغـاوي الضّـال
اللي طعون افراقهـا مَـا احْتِمَلْهَـا

وياليل جرح افراقهـا حـيّ مـازال
في روحي اللي مـن زِمَـنْ تعتقلهـا

وياليل هـذي عِقْدتًـهْ دون حـلاّل
بين العروق أدْخـل يديـه وفِتَلْهَـا

ياليل حظّي مال والوقت بـي مـال
(ميلة بَخَتْ) عيـا الزمـان ايْعَدِلْهَـا

ياليل عَطْهَا زبـدة الهـرج بالحـال
قلـبٍ هواهـا مايِـدَوِّر بِدَلّـهَـا

وقل مستحيل أنْسى وَلَوْ هَجْرَهَا طال
(والـروح تِدْمِنْهَا)(وقلبـي ثملهـا)
ـــــــــــــــــــــــــــــــــــــــ
عبدالله سماح المجلاد

اهلاً بعودة الشعر الاصيل من جديد
عذوبه لغويه منقطعة النظير
ابوبسام المجلاد
مااجملك ومااجمل ماكتبت تواجدك يجعلنا لانفارق هذا القسم
وغيابك يجعلنا نغيب ولانعود الا بعودتك.



صح لسانك


وارق التحااااااااااااايا

صـح لـسـانك

قصيدة رائعة من شخص رائع

تقبل تحياتي وتقديري

أبو بســــــــــــــــــام :-
لقد استمتعنا بهذه الديمة التي حملتها لنا أيها الشاعر المبدع .
هكذا أنت لا تأتي إلا بالأحاسيس المرهفه والصور البلاغية الرائعه .
أيها المجــــــــــــــــــلاد
أنت تقدس العاطفه ونحن كذالك .
ورغم أنك أبتعدت قليلا ولكن مازال حرفك يتلبسني ويسكن في أعماق
قلبي وهنا أكررها مره أخرى مهما أبتعدت سيكون شعرك في صدورنا
نحفظة لكي نورثه لأبناءنا واحفادنا ليأنسوا بها .
الأخ الشاعر العزيز عبدالله سماح :-
أنت شاعر رقيق وشاعر مثقف ومدهش في كل حالاتك وهذا النص
يأكد كم أنت مبـــــــــــدع أيها الأميـــــــــــــــر ,
دمتـــــــــ بـــــــــــود ,,,,,,,,,,,

المشاركة الأصلية كتبت بواسطة الـــزيـــر

اهلاً بعودة الشعر الاصيل من جديد
عذوبه لغويه منقطعة النظير
ابوبسام المجلاد
مااجملك ومااجمل ماكتبت تواجدك يجعلنا لانفارق هذا القسم
وغيابك يجعلنا نغيب ولانعود الا بعودتك.



صح لسانك


وارق التحااااااااااااايا

الـــــزيـــــــــــر
حتى لو رحل المجلاد أو إنقطع لفتره
لن نسمح لك بالرحيل عن هذا القســـــم
تعرف لماذا :-
لن هناك من سينقل قصائد المجــــــــلاد فهو في قلوبنا
لهــــــــــذا أقول لك :-
نوخ ركابك هنا وأنتظر كل ما هـــــــو جميل فأنت مع
الغــــــــــطاس .
دمتــــــ بــــــــــــود ,,,,,,,,,,,,

صح لسانك يابو بسام
قصيدهـ جميله جدآ..

مهما أهداكم المجلاد من الشعر
فهو لن يستطيع أن يهديكم
بقدر ماأهديتموه منكم محبةً ونقاءَ
فأنتم أكرم مني بمراحل
وهذه شهادة حق
وكم أنا خجل أمام هذا الكرم الفيّاض
من أبناء عمومتي الذين أفخر بهم
وأفاخر وهم السلاطين
وفقني ووفقكم الله لما يحبه ويرضاه

صح لسانك ياشاعرنا الكبير

متعنا بهذا الشعر الرائع

ياليل الابدااااع

تقبل تحياتي

صـح لســانك
بالعاده انسخ كم بيت من القصيده
في الرد ، ولكن هذه القصيده
لجودتها وروعتها لم أجد ما أنسخه
ولقوة حبكها ..

يالروعة ذلك الغزل
العفيف ..

لا تحرمنا مزيدك
وننتظر كُل جديدكـ

تحياتي لكـ

يالروعتك يا ابا بسام
هذا النمط لا يتقنه الا انت
ارجوان لا تحرمنا لنتذوق ونستمتع من
ابداعاتك الكثيره