(الهلال vsالنصر..مجرد سوالف تفضلوا)..

الله حيـهـمـ..
الهلالي فيهمـ قبل النصراوي(وش عنده؟ من بدايتها قابس ابو الشباب) ..
الهلال والنصر حديث مجالس الشباب واستراحاتهـمـ.، انا واحـد من الناس مليت منـه بقوووه، تعبت اردد وتعبت احكي، المهـم قضية الهلال والنصر يا اعزائي الكرامـ لن تنتهي ، مطولـه ، بس العجيب والغريب ان النصراويين مدري وش عاجبـهم بالنصر؟ مع العلـم ان اكثرهـم شيبان (اللي فيه الضغط واللي فيه السكر ناقصين حنا؟) ، بس عندي سؤال ابي نصراوي كذا يتكرم علي يجاوب عليه: ليه انت نصراوي؟( عشان النصر فريق بطولات_افلقني_) نفس السؤال اوجهه للهلايين : ليه انت هلالي؟ (تسمحون اجاوب عنكـمـ؟) ياخي يكفي السماء زرقاء والبحر ازرق(كفو يالذيب) وفريق لـه انجازات على الصعيدين القاري والمحـلي..وكل سنه اذا ضاقت مره مره بطوله. اغلب لعيبته بالمنتخب وكباتن بعـد، (ماشالله النصر الحين مسوي تعاقدات ناريه:صالح صديق،حسين عبدالغني الله يهنيهم) ، وكـل ماجابوا طاري النصر قال لـي عالمـي ومدري ايش.، طيب عالمي على عيني وراسـي، بس يوم ان الله قردك ورحت العالميه وش سويت؟ (اتوقع غلطانين) رفعت علم السعوديه مثلآ؟ فزت مثلآ؟ كلهآ هزايمـ ونكبات وانت اللي راجـع، ياخـي انت يالنصراوي الحين ابيك تقنعني فهمني ليه تشجع النصر؟ اقنعني صدقني احول من الهلال واشجع النصر(حلم ابليس بالجنه عايف عمري انا)..ما ادري وش اللي يقنعـكم بالنصر؟
الحين ماشالله نشوفه بدا يتطور ويبني نفسه بعد السنين العجاف(ماظنتي ياخليف تاكل بطاطا) ، يمكن نقول فيه امـل، ولا تدري خله بصيص امـل، انكم تشاركون بالآسيويه،...او على الأقـل تاخذون بطولـه خارجـيـه..

مبروك فوز النصر على فريق صور العماني 2-1 ببطولة دوري ابطال اوروبا عفوآ كأس ابطال الخليج..
ونتمنى لهم التوفيق(وينك يالأهلي رحت الآسيويه وخليت النصر)..
[blur]
وأرجوا انـكم تاخذون الامور بروح رياضيه لأن الدعوه مزوح تجي وتروح(<<حس انـه بينجلد) ولاتزعلون علينا الدعوه وناسـه×وناسه..
[/blur]قفلـه:
كلنـآ هلال..

الغالي شبل انا لاني هلالي ولا نصراوي
انا سعودي وبس :d
ارجو ان تسمح لي بالانسحاب :s75:

شبل الثوارين ياويلك من ابو سحايب
انا ماليه شغل اذا صرعك تراني متفرج
بصراحه كنت قاسي على النصر كثير وهذا حرام عليك
بس معليش بصحح لك جمله انت تقول ان النصر عالمي
واحب انك تصحح الجمله الي حالمي

شبل :s44:

يعطيكـ العافية

وآنا قدساوي كويتي ولون القادسية أصفرررر

أنا هلالي بس أحب أني أكون محايد وأنسحب قبل لاتقبس

تحياتي

شبل اظنها بتولع اذا جاك ابو سحايب ترانا مانعرف لاتقول انكبوني الله يقويك شد حيلك يابناخي



ارق التحاايا

مشكور يالشبل والله يعطيك العافية وبارك الله فيك

بس هم ما افكك من ابو سحايب


كل التقدير والاحترام

انا نصراوي واعلمك ليه احب النصر لانه النصر الذي افرحني وابكاني
والنصر فريق يشرف ولله الحمد ومنه وبالنسبة للبطولات الهلال غاب عن
البطولات 14 سنة وهاهوا عاد والنصر غاب 9سنوات ونصف وعاد
للمعلومية اقل نادي سعودي غاب عن البطولات النصر
انت تقول الهلال نادي بطولات اشوووفه صارله 8سنوات ماخذ بطوله خارجية الكلام كثير لوووجود اسم النصر انا الوحيد من اصدقائي نصراوي
وكل مايجبون طاري هلال يحطون النصر بالموضوع والحمدالله حولت
3 مشجعين هلالين الى مشجعين نصراوين وهذا الكلام سنة 1426
والى الان نصراوين وتقول ليش اشجع النصر
نادي النصر عشق لاينتهي لو اشوفه مركز اخير
احمد الله انه خلقني نصراوي سعودي دهمشي

الله يرحم ايام السلومي و الموينع * العالمية قوووية *

يالله حي القدساوية احلى فريق بعد النصر السعودي

اشجع من الاندية : انا اشجع النصرالسعودي و القادسية الكويتي*بالتووفيق لاصديقي الغالي عبدالله مطلق العنزي مع النصر

اشجع من المنتخبات: انا اشجع منتخــب الكـــــــووويت

شوف يا شبل الثوارين


أنا نصراوي منذ ُ ما يقارب 15 سنة وَ أكثر
وراح أجاوبك على تساؤلاتك تلك ..

إقتباس:

بس عندي سؤال ابي نصراوي كذا يتكرم علي يجاوب عليه: ليه انت نصراوي؟

لانه عالمي وصعب الواحد يتخلى عن العالمية وأنا عشقت النصر منذ ُ زمنه الذهبي .

إقتباس:

بس يوم ان الله قردك ورحت العالميه وش سويت؟(اتوقع غلطانين) رفعت علم السعوديه مثلآ؟ فزت مثلآ؟ كلهآ هزايمـ ونكبات وانت اللي راجـع، ياخـي انت يالنصراوي الحين ابيك تقنعني فهمني ليه تشجع النصر؟

رحت أقارع الفرق الكبيرهـ آنذاك ولا زالت وأعتقد بـِ إنك للتو عرفت الكرة وتأتي إلى
هُـنا لـِ تُـناقش وللأسف الشديد حتى معلومات كروية ليست لديك .
ولكن راح أسرد لك ماذا فعلنا في كأس العالم عام 2000 م . ومنذ ُ ذلك الوقت
وأنتم تحلمون أن تاصلون إلى هذا الحدث العالمي الكبير .

لعبنا مع ريال مدريد الأسباني في بداية المشوار وخسرنا
بـِ نتيجة مُـشرفة 3 / 1 . وسجل الهدف النصراوي اللاعب فهد الهريفي .

ولعبنا مع نادي الرجاء البيضاوي وفزنا عليه 4 / 3 سجل أهداف النصر كلاً من :-
فؤاد أنور وَ أحمد بهجاء وَ فهد الهريفي وَ الهدف الرابع لا يذكرني أسم من سجله
مع العلم أن هدف الرجاء الأول سجله اللاعب فهد الهريفي خطاء في مرماهـ .

ولعبنا مع نادي كورينثيانز االبرازيلي وخسرنا منه 0 / 2 .

وأحتلينا المركز الثالث في المجموعة . وحصنا على جائزة اللعب النظيف
أمام هذهـ الفرق العالمية العريقة .

إقتباس:

ياخـي انت يالنصراوي الحين ابيك تقنعني فهمني ليه تشجع النصر؟

لا أريد أن أقنعك ولكن // أريد أن أقول لك [ العالميّة جِداً صعبه ]
ولا تحول ولا شي وخلك على زعيقك . أجل بطولة الأرهاب رسميّـة ...؟!



إذا كـُنت ترغب في مُـناقشتي فَـ أنا على أتم إستعداد . والتاريخ بيننا