الحزن يحفر في حناياك ويجود

الحزن يحفر في حناياك ويجود

-------------------------------------------------------------









يهبّ ريح الوجد .. ويلوح غربال
........... وأشوف كنّ الجرح بالجرح .. معقود!





أغراب جينا .. والمقادير ترحال
............ والعمر ينقصّ .. والرجا بالله يزود




:




والليلة اللي شفّها .. ضيقة البال
............ أقفت تجرّ ثيابها .. جور وصدود




:




مثل البحر يا بحْر جيتك .. ولي جال
......... لا شك أضيق .. وضيقتي مالها حدود





:




أشيل حملي .. وأدفن الجرح .. بالفال
....... وأسولف بـ حلمي .. على أيامي السود




:




وأقول لو إن الزمن فيه .. مقيال
.......... ما خلّت نفوس اليتامى .. ذرى الجود




:




يموت مستور الخطا .. ماله جلال
............ ويعيش ميسور العطا .. ما معه عود!




:




حتى انت يا ندّ السما .. مالك ظلال
............. لو كان صدرك غيم .. وأطرافك حيود




:




حزنك قديم .. وذكرياتك بلا اطلال
............. والملح يحفر في حناياك .. ويجود




:




ولولاك يا غبّ البحر .. تستر الحال
........ ما صرت لـ زناد الهواجيس .. بارود!




:




ياقصة المحّار .. والـ أووووه يامال
.......... يا خوّة الطوّاش .. والبرد .. والنود




:




يضحك لك العشـّاق .. ويدنّ خلخال
......... ويطيح .. من غصن المكاتيب .. عنقود




:




ما جيت لك طايش ولا جيت كرمال
........ قلبٍ يقوده بالهوى .. باشة الخــود




:




جيتك وأنا قلبي له قيـود وحبال
......... وأقفيت من عندك .. بلا حبال وقيود!










لِـ شاعرها .. خالد التميمي

أتمنى انها تحوز على رضآكم

صــح لسان الشاعر

وبارك الله فيك على النقل

ولولاك يا غبّ البحر .. تستر الحال
........ ما صرت لـ زناد الهواجيس .. بارود!

بارك الله فيك وصح لسان الشاعر.

صح لسان الشاعر ويشكر الناقل



ارق التحااايا

شكرا لك على هالنقل الرائع لقصيده رائعه



كل التقدير والاحترام

أشيل حملي .. وأدفن الجرح .. بالفال
....... وأسولف بـ حلمي .. على أيامي السود

كل الشكر لك على النقل الرائع

عيونـــــي حزينـــــــه