لحظة عناد"اللي بيننا هدمناه ..!

.

راح الغـرام وكـل شـي طويـنـاه
كـل تقفـى وابتعـد فـي سبيـلـه

لحظـة عنـاد اللـي بيننـا هدمنـاه
في سيـل هجـر مارحمنـا بسيلـه


كـل تناسـى والـغـلا مانسيـنـاه
بقلوبنـا ثابـت ولا احـدن يزيـلـه


من يوم فارقته علـى البـال ذكـراه
من ويـن ماراحـت عيونـي تخيلـه


لـو ابتعـد مافكـر القلـب يجـفـاه
ولا كنـت افكـر يهتوينـي بديـلـه


ايست مـن حبـه وشوفـه وطريـاه
وايست من عقب البطا شوفتـي لـه


لا شـك بالصدفـة تلاقيـت ويــاه
من بعـد غيبـات السنيـن الطويلـه


شفته وكل هـل دمعـه مـن اقصـاه
حتى الجسـد عيـا القـدم لا يشيلـه


اقبـل ويمسـح دمـع عينـه بيمنـاه
فـي شوفتـن فيهـا الامانـي قتيلـه


وكـل ذكـر ذاك العنـاد وخفـايـاه
واخـر عهـود الذكريـات الجميلـة


المشكلـة ماهـي بشوفـه ولقـيـاه
المشكلـة شــي يـزيـد المليـلـة


معها صغيـر توهـا تـدرج خطـاه
يمشي يباريهـا وهـي تحتمـي لـه


ماخذ ملامحهـا حـلا فـي حلايـاه
سميـت بالرحمـن مـن نظرتيـلـه


جيتـه وضميتـه ودمعـي تغـشـاه
مغير اضمـه فـي يدينـي واشيلـه


قالت خلاص ارجوك يكفـي معانـاة
قطعت قلبي وش بقـى نرتجـي لـه


غلطة عمـر منـي ومنـك تركنـاه
ذاك الغـرام اللـي بقلبـي عليـلـه


مـن يـوم فارقتـك وقلبـي ببلـواه
طيفك معـه فـي كـل يـوم وليلـه


عسـى العنـاد الله يلعـن سـوايـاه
اللـي طوانـي بالهـمـوم الثقيـلـة


والحين بعد اللي حصل وش نرجـاه
شـي انتهـى ومافـي باليـد حيلـه


كل عسـى الله يسعـده فـي نوايـاه
هـذا قدرنـا والقـدر ننحنـي لــه


وردت تقـول (اسـألـك بالله بالله )
حبك لطفلـي وش معنـى دليلـه ؟؟


من يوم ما شفتـك اشوفـك تنشـاه
كنـه غـلا روحـك وقلبـك عديلـه


كنـك تبـي قربـه وكنـك تعـنـاه
مستغربة من فـوق صـدرك تشيلـه


وش هالغلا ؟؟ حبك ودمعك على شفاه
ضميتـه بصـدرك وكنـك دخيـلـه


( قلت الغـلا هـذا بتالـي بقايـاه
طفلك اشمه لجـل قربـك اخيلـه )


وقلت المثل (( ياخال احبك )) ومعناه
من ريحة ((امي)) فيك ريحة مثيله !؟
.
.

هكذا تكون الأبيات الجميله..
تتطابق الروعه بعضها فوق بعض..!!
أختي ملاك ..دامت روعة النقل..!!

الملثم

اختيار جميل
صح لسانك وذوقك ولاحرمنا جديدك
لسموك الود وجنائن الورد

جميل جداً ,,

قهوه شعريه طاب المزاج بها


ابقي ديمه كـــــ أنتِ



تقديري

الملثم

دندنة

الزير


دام حضوركم المميز لروحكم جنائن الورد فبقو هنا بالقرب

ابيات رائعة .. شكرا على النقل الجميل

اتمنى ذكر اسم الشاعر عند ايراد مثل هذه الروائع..!!

قصيده تهبل ,,يعطيك العافيه على النقل

شكرالكم أخواني حضورجميل

وقلت المثل (( ياخال احبك )) ومعناه
من ريحة ((امي)) فيك ريحة مثيله !؟




بوركتي اختي

المشاركة الأصلية كتبت بواسطة انساااان

وقلت المثل (( ياخال احبك )) ومعناه
من ريحة ((امي)) فيك ريحة مثيله !؟




بوركتي اختي

حياك وكل الشكر لمرورك الطيب